ධම්මිකා මැණිකෙගේ ඉපැරැණි (1985) වාර්තාව තරුෂි බිඳ දමයි

ගම්පොළ වික්‍රමබාහු මධ්‍ය මහා විද්‍යාලයේ ඉගෙනුම ලබන ශිෂ්‍යාවක් වන තරුෂි අභිෂේකා ක්‍රීඩිකාව විසින් වසර 39ක් පැරණි ශ්‍රී ලංකා කනිෂ්ඨ (අවුරුදු 20න් පහළ) මලළ ක්‍රීඩා වාර්තාවක් අලුත් කිරීමට අද (19) සමත් විය.

කොළඹ සුගතදාස ක්‍රීඩාංගණයේ පැවැත්වෙන සමස්ත ලංකා පාසල් මලල ක්‍රීඩා තරගාවලියේ කාන්තා මීටර 1500 ඉසව්ව විනාඩි 4:29.99.කින් අවසන් කර ඇය මෙම සුවිශේෂී වාර්තාව පිහිටු වූවාය.

16 හැවිරිදි වියේ පසුවන තරුෂි විසින් බිඳදමනු ලැබුවේ 1985 වසරේදී ධම්මිකා මැණිකේ විසින් 4:35.7කින් අවසන් කර පිහිටුවා තිබූ කනිෂ්ඨ ශ්‍රී ලංකා වාර්තාවයි.

ඊයේ දින ආරම්භ වූ මෙම සමස්ත ලංකා පාසල් මලළ ක්‍රීඩා තරගාවලිය අඟහරුවාදා (22) දක්වා පැවැත්වේ.