සිපගැනීමට මිනිත්තු තුනක්
නවසීලන්තයේ ඩුනේඩින් ගුවන්තොටුපොළේ මගී තදබදය මඟහරවා ගැනීමට විසඳුමක් ලෙස ගුවන්ගතවීමට නියමිත සිය ප්‍රියතමයා සිපවැලඳ සමුදීමේ කාලසීමාව මිනිත්තු 3කට සීමා කර ඇතැයි විදෙස් මාධ්‍ය වාර්තා කළේය.
‘සිපවැලඳ ගැනීමේ උපරිම කාලය මිනිත්තු 3යි‘ ලෙස සටහන් කළ පුවරු එම ගුවන්තොටුපොළේ පිටවීමේ පර්යන්තයේ තැනින් තැන සවි කිරීමට ද ගුවන්තොටුපොළේ බලධාරින් පියවර ගෙන ඇතැයි විදෙස් මාධ්‍ය වැඩිදුරටත් වාර්තා කළේය.
සිය ප්‍රියතමයාට සමුදීමට මිනිත්තු 3කට වඩා වැඩි කාලයක් අවශ්‍ය නම් එය ගුවන්තොටුපොලේ රථගාලේදී සිදු කළ හැකි බවද එම පුවරුවේ සඳහන් වන බව වාර්තා වේ.
පසුගිය සැප්තැම්බර් මාසයේ සිට ක්‍රියාත්මක වන නව නීතියට එරෙහිව සමාජ මාධ්‍යාජලයේ දැඩි විවේචන එල්ල වී ඇති අතර, එය මූලික මානව අයිතිය උල්ලංඝනය කිරිමක් බවට ද චෝදනා කර ඇතැයි ද වාර්තා වේ. මේ පිළිබඳ අදහස් පළ කරමින් ගුවන්තොටුපොළේ ප්‍රධාන විධායක නිලධාරියා ප්‍රකාශ කර ඇත්තේ ‘මිනිත්තු තුනක් හොඳටම ඇති‘ යනුවෙනි.
@දිනමිණ
