මිනුවන්ගොඩ-පෑලියගොඩ පොකුරේ 2160ක් පූර්ණ සුවය ලබයි

මේ වන විට මිනුවන්ගොඩ සහ පෑලියගොඩ මත්ස්‍ය වෙළෙඳ සංකීර්ණය ආශ්‍රිත කොවිඩ් පොකුරට අයත් කොරෝනා ආසාදිතයින් 2000 ඉක්මවූ පිරිසක් පූර්ණ සුවය ලබා ඇත.

ඒ අනුව ඊයේ (03) දිනය වන විට එම පොකුරෙන් හඳුනාගත් ආසාදිතයින් 2,160 දෙනෙකු පූර්ණ සුවය ලබා රෝහල්වලින් පිටව ගොස් ඇති බව කොවිඩ්-19 පැතිරීම වැලැක්විමේ ජාතික ක්‍රියාන්විත මාධ්‍යස්ථානය සඳහන් කරයි.

මේ වනවිට මිනුවන්ගොඩ සහ පෑලියගොඩ මත්ස්‍ය වෙළෙඳ සංකීර්ණය ආශ්‍රීත කොවිඩ් පොකුරේ සමස්ථ ආසාදිතයින් සංඛ්‍යාව 8,266ක් දක්ව‍ා ඉහළ ගොස් ඇත.