පාර්ලිමේන්තු සංකීර්ණයේදී සතියකට වරක් අහඹු ලෙස PCR පරීක්ෂණ

පාර්ලිමේන්තු සංකීර්ණයේදී සතියකට වරක් අහඹු ලෙස PCR පරීක්ෂණ සිදු කෙරෙන අතර ඒ සඳහා මන්ත්‍රීවරුන්ට සහභාගීවන ලෙස වේත්‍රධාරී නරේන්ද්‍ර ප්‍රනාන්දු මහත් දැනුවත් කර ඇත.

ඔහු නිවේදනයක් නිකුත් කරමින් මේ බව දන්වා තිබේ.

පාර්ලිමේන්තු සැසිවාර ඉදිරියේදී පැවැත්වෙන දිනයන් වල මෙන්ම නොපැවැත්වෙන දිනවලදී ද සතියකට වරක් එම පරීක්ෂණ සිදු කිරිමට නියමිත වේ.

පසුගිය 25 වන දා පාර්ලිමේන්තුව තුළ අවසන්වරට PCR පරීක්ෂණ සිදු කෙරුණු අතර එහිදී පුද්ගලයින් 190 දෙනෙකුට PCR පරීක්ෂණ සිදුකර තිබුණි‍.