නිරෝධායන නීති කඩ කළ තවත් පුද්ගලයින් 14 දෙනෙකු අත්අඩංගුවට
ගතවූ පැය 24ක කාලය තුළ නිරෝධායන නීති කඩ කළ පුද්ගලයින් 14 දෙනෙකු අත්අඩංගුවට ගෙන තිබේ.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කළේ ඔවුන් සියළුදෙනා සමාජ දුරස්ථභාවය පවත්වාගෙන නොයාම සහ මුහුණු ආවරණ පැළඳ නොසිටීම සම්බන්ධයෙන් අත්අඩංගුවට ගත් බවයි.
ඒ අනුව පසුගිය ඔක්තොම්බර් මස 30 වනදා සිට මේ දක්වා නිරෝධායන නීති කඩ කළ පුද්ගලයින් 3,121දෙනෙකු පොලීසිය විසින් අත්අඩංගුවට ගෙන ඇත.
නිරෝධායනය සහ සෞඛ්‍ය මාර්ගෝපදේශ සම්බන්ධයෙන් බස්නාහිර පළාත ද ඇතුලුව දිවයින පුරා තව දුරටත් මෙහෙයුම් ක්‍රියාත්මක බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා වැඩි දුරටත් සඳහන් කරයි.
Please follow and like us:
