ඉන්දීය – එංගලන්ත තීරණාත්මක තරගය අදයි

සංචාරක එංගලන්ත කණ්ඩායම සහ ඉන්දීය කණ්ඩායම අතර පැවැත්වෙන එක්දින තරගාවලියේ අවසන් තරගය අද (28) පැවැත්වීමට නියමිතය.

තරගය ශ්‍රී ලංකා වේලාවෙන් පස්වරු 1.30 ට ආරම්භ වේ.

එංගලන්ත කණ්ඩායම සහ ඉන්දීය කණ්ඩායම අතර පැවැත්වෙන තරග 3 කින් සමන්විත එක්දින තරගාවලියේ තරග 2 ක් මේ වනවිට අවසන් වී තිබේ.

ඉන් පළමු තරගය ලකුණු 66 කින් ජය ගැනීමට ඉන්දීය කණ්ඩායම සමත් විය.

දෙවන තරගය කඩුලු 6 කින් එංගලන්ත කණ්ඩායම ජය ගැනීමත් සමඟ  තරගාවලිය 1 ට 1 ක් ලෙස සම තත්ත්වයේ පවතී.

ඒ හේතුවෙන් අද තරගය දෙපිළටම තීරණාත්මක වනු ඇත.