කොල්කටා නයිට් රයිඩර්ස් IPL අවසන් තරගයට සුදුසුකම් ලබයි
ඉන්දීය ප්‍රිමියර් ලීග් ක්‍රිකට් තරගාවලියේ ඊයේ (13) පැවති තරගයෙන් දිල්ලි කැපිටල්ස් කණ්ඩායම පරාජය කර කොල්කටා නයිට් රයිඩර්ස් කණ්ඩායම කඩුලු 3ක ජයග්‍රහනයක් වාර්තා කිරීමට සමත් විය.
ප්‍රථමයෙන් පන්දුවට පහරදුන් දිල්ලි කණ්ඩායම තමන්ට නියමිත පන්දුවාර 20 අවසානයේ කඩුලු 5ක් දැවී ලකුණු 135ක් රැස් කරන ලදි.
ජයග්‍රහනය සඳහා ලකුණු 136ක ඉලක්කයක් සමග පිළිතුරු ඉනිම සඳහා පිටියට පිවිසි කොල්කටා කණ්ඩායම පන්දුවාර 19යි පන්දු 5ක් අවසානයේ කඩුලු 07ක් දැවී ලකුණු 136ක් ලබාගනිමින් ජයග්‍රහණය සටහන් කළේය.
ඒ අනුව ඉන්දීය ප්‍රිමියර් ලීග් ක්‍රිකට් තරගාවලියේ අවසන් මහ තරගයට සුදුසුකම් ලැබීමට කොල්කටා නයිට් රයිඩර්ස් කණ්ඩායම සමත් විය.
කොල්කටා නයිට් රයිඩර්ස් කණ්ඩායම සහ චෙන්නායි සුපර් කිංග්ස් කණ්ඩායම අතර හෙට (15) දිනයේ දී ඉන්දීය ප්‍රිමියර් ලීග් ක්‍රිකට් තරගාවලියේ අවසන් මහ තරගයට පැවැත්වීමට නියමිත වේ.
