දිවයිනේ ප්‍රධාන ජලාශ කිහිපයක වාන් දොරටු විවෘත කෙරේ
වාරිමාර්ග දෙපාර්තමේන්තුව යටතේ පාලනය වන ප්‍රධාන ජලාශ කිහිපයක වාන් දොරටු තවදුරටත් විවෘතව පවතින බව වාරිමාර්ග දෙපාර්තමේන්තුව සඳහන් කරයි.
දැදුරුඔය ජලාශය වාන් දොරටු 4 ක් අඩි 2 බැගින් තවදුරටත් විවෘත කර පවතින බව වාරිමාර්ග අධ්‍යක්ෂ , ජල කළමනාකරණ ඉංජිනේරු ඩී. අබේසිරිවර්ධන මහතා පැවසුවේය.
එසේම රාජාංගණය ජලාශයේ ද වාන් දොරටු 2ක් අඩි 4 බැගින් ද, තවත් වාන් දොරටු 2 ක් අඩි 3 බැගින් සහ තවත් 2 ක් අඩි 2ක බැගින් සමස්ත වාන් දෙරටු 06ක් විවෘත කර තිබේ.
අබේසිරිවර්ධන මහතා වැඩිදුරටත් පැවුසවේ අංගමුව ජලාශයේ ද වාන් දොරටු 2 ක් අඩිය බැගින් විවෘත කර ජලය මුදා හරිමින් තිබෙන අතර වව්නියාව දිස්ත්‍රික්කයට ඇද හැළී ඇති අධික වර්ෂාපතනය හේතුවෙන් වව්නියාවේ ජලාශවල ද ධාරිතාව ශීඝ්‍රයෙන් ඉහළ යමින් පවතින බවයි.
Please follow and like us:
