කොළඹ ප්‍රදේශ කිහිපයකට ජල කප්පාදුවක්

කොළඹ ප්‍රදේශ කිහිපයකට අද (18) රාත්‍රී 11 සිට පැය 09 ක ජල කප්පාදුවක් සිදුවන බව ජාතික ජල සම්පාදන හා ජලාපවහන මණ්ඩලය සඳහන් කර තිබේ.

ඒ අනුව කොළඹ 09,10,11,12,13, සහ 14 යන ප්‍රදේශවලට අද රාත්‍රී 11 සිට ඉරිදා පෙරවරු 8 දක්වා කාලය තුළ ජල සැපයුම අත්හිටුවන බවයි.

මහ කොළඹ ජල සහ අපජල කළමණාකරණ වැඩි දියුණු කිරීමේ ව්‍යාපෘතියේ කටයුතු හේතුවෙන් මෙලෙස ජල සැපයුම අත්හිටුවීමට සිදුවන බව එම මණ්ඩලය කියා සිටියේ.