මුදල් අමාත්‍ය තනතුරත් අගමැතිට – මුදල් අච්චු ගසා වැඩ අරඹයි.
අග්‍රාමාත්‍ය රනිල් වික්‍රමසිංහ මහතා මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍ය ධුරයේ අද (25) දිවුරුම් දෙන ලදි.
අද පෙරවරුවේ කොළඹ, කොටුව ජනාධිපති මන්දිරයේ දී ජනාධිපති ගෝඨාභය රාජපක්ෂ මහතා ඉදිරියේ මෙම දිවුරුම්දීම සිදු විය.
මේ අතර මෙරට රුපියල් ආදායම අඩුවී ගොස් ඇති නිසා තවත් රුපියල් ට්‍රිලියනයක මුදලක් මුද්‍රණය කරන්නට සිදුව ඇති බව අගමැති රනිල් වික්‍රමසිංහ මහතා සඳහන් කරයි.
රොයිටර් පුවත් සේවය සමග සාකච්ඡාවකට එක්වෙමින් අගමැතිවරයා මේ බව සදහන් කර ඇත.
ඉදිරි කාලය ජනතාවට තවත් දුෂ්කර වනු ඇති බවත් එම කාලය තුළ මෙරට උද්ධමනය 40% සීමාව ඉක්මවා යනු ඇති බවත් ඔහු එහිදී කියා සිටියි.
ඉදිරි සති හයක් ඇතුලත අන්තර්කාලීන අයවැයක් ඉදිරිපත් කරන බවද පවසන අමාත්‍යවරයා එමගින් යටිතල පහසුකම් සංවර්ධනයට වෙන්කර ඇති මුදල් වෙනත් සහන වැඩසටහන් සඳහා යොමු කිරීමට බලාපොරොත්තු වන බවද කියා තිබේ.
