මධ්‍යම ආසියානු කාන්තා බීච් වොලිබෝල් ශූරතාව ශ්‍රී ලංකාවට

මධ්‍යම ආසියානු කාන්තා බීච් වොලිබෝල් තරගාවලියේ ශූරතාවය දිනා ගැනීමට ශ්‍රී ලංකා කාන්තා බීච් වොලිබෝල් කණ්ඩායම සමත්වුණා.

අවසන් මහා තරගයේදී නේපාල කණ්ඩායම 21-11, 21-11 ලෙස පරාජයට පත්කලේ ශ්‍රී ලංකා කණ්ඩායමේ චතුරිකා සහ දීපිකා යුගලයයි. සිය ප්‍රථම වටයේ තරග වලදී බංගලාදේශ කණ්ඩායම 21-8, 21-5 ලෙසත්, උස්බකිස්ථාන කණ්ඩායම 21-11, 21-9 ලෙසත් පරාජය කිරීමට ශ්‍රී ලංකා කණ්ඩායම සමත්වුණා. අවසන් පූර්ව වටයේදී උවුන් වෙතින් පරාජයට පත්වුනේ ද උස්බකිස්ථාන කණ්ඩායමයි.