දකුණු අප්‍රිකාවේ රිය අනතුරකින් 20 ක් ජීවිතක්ෂයට

මුදල් ප්‍රවාහනය කරමින් තිබූ තිබූ වෑන් රථයක් සහ බස් රථයක් එකිනෙක ගැටීමෙන් පුද්ගලයන් 20 දෙනෙකු මිය ගොස් තවත් 61 දෙනෙකු තුවාල ලබා තිබෙනවා. දකුණු අප්‍රිකාවේ ලිම්පෝපෝ පලාතේ මෙම අනතුර සිදුව ඇති බව විදෙස් මාධ්‍ය පවසනවා.

අනතුරින් බස් රථය පාලමකින් පහළ ගඟකට පෙරළී තිබෙන බව එරට මාධ්‍ය වාර්තා කර තිබෙනවා.

මෙහිදී බොහෝ දෙනා බස් රථය තුළ සිරවීම නිසා මිය ගිය බවට විදෙස් මාධ්‍ය වාර්තා සදහන් කරන අතර අනතුරට හේතුව මේ වනවිට විමර්ශනය කරමින් පවතිනවා.