රාජ්‍ය වෙසක් උළෙල මෙවර පුත්තලමේදී
රාජ්‍ය වෙසක් මහෝත්සවය පුත්තලම දිස්ත්‍රික්කයේ පැවැත්වීම පිළිබඳව නිල වශයෙන් තීන්දු තීරණ ගැනීමේ සාකච්ඡාවක් හලාවත කරවිටාගාර ශ්‍රී රතනසිරි පිරිවෙන් විහාරස්ථානයේදී පත්තඩුවන ශ්‍රී ලංකා රාමඤ්ඤ මහ නිකායේ අනුනායක අති පූජ්‍ය නැදගමුවේ විජය මෛත්‍රී අනුනාහිමිපාණන් වහන්සේ ඇතුළු මහා සංඝරත්නයේ ප්‍රධානත්වයෙන් (16) පැවැත්විණි.
පුත්තලම දිස්ත්‍රික්කය කේන්ද්‍රකර ගනිමින් රටපුරා බෞද්ධ ප්‍රබෝධය ඇති කිරීමේ අරමුණින් මෙවර වෙසක් උත්සවය සැමරීමට සැලසුම්කර ඇති අතර ඒ සඳහා ජාතික තලයේ මෙන්ම දිස්ත්‍රික් හා ප්‍රාදේශීය මට්ටමේ ආයතන සමඟද ඒකාබද්ධ වෙමින් කටයුතු කරන බව වැඩ සටහන පිළිබඳව පැහැදිලි කළ බුද්ධශාසන ආගමික හා සංස්කෘතික කටයුතු අමාත්‍යාංශයේ ලේකම් සෝමරත්න විදානපතිරණ මහතා එහිදී සඳහන් කළේ ය.
වෙසක් පුර්ව වැඩසටහන්,වෙසක් සතිය තුළ ක්‍රියාත්මක රාජ්‍ය වෙසක් දින උත්සවය හා වෙසක් පෝය දින වැඩසටහන් පිළිබඳව ද නිලධාරිහු මෙහිදී සාකච්ඡා කළහ.බුද්ධශාසන ආගමික හා සංස්කෘතික කටයුතු අමාත්‍යාංශය, බෞද්ධ කටයුතු දෙපාර්තමේන්තුව, සමස්ත ලංකා ශාසනාරක්ෂක මණ්ඩලය,පුත්තලම දිස්ත්‍රික් ලේකම් කාර්යාලය හලාවත ප්‍රාදේශිය ලේකම් කාර්යාලය සහ තවත් රාජ්‍ය ආයතන ගණනාවක් එක්ව මෙවර වෙසක් උත්සවය සංවිධානය කරනු ලබයි.
පත්තඩුවන භික්ෂු පුහුණු ආයතනයාධිපති හිටපු අධ්‍යාපන උපදේශක අධ්‍යාපනවේදී ශ්‍රී ලංකා රාමඤ්ඤ මහ නිකායේ අනුනායක අති පූජ්‍ය නැදගමුවේ විජය මෛත්‍රී අනුනාහිමිපාණන් වහන්සේ,දියකලමුල්ල ශ්‍රීපති පිරිවෙන් විහාරාධිපති ශ්‍රී ලංකා රාමඤ්ඤ මහ නිකායේ මහ ලේඛකාධිකාරි පූජ්‍යතර අත්තංගනේ සාසනරතන ස්වාමින් වහන්සේ,කුලියාපිටිය අස්වැද්දුම ශාසනාලංකාර පිරිවෙන් විහාරාධිපති ශ්‍රී ලංකා රාමාඤ්ඤ මහනිකායේ ත්‍රිපිටක අධ්‍යපන අංශාධිපති අතිපූජ්‍ය පල්ලේකාගම රතනභාරති ස්වාමින් වහන්සේ,හලාවත කැබැල්ලෑවල රතනසිරි පිරිවෙන් විහාරාධිපති ශ්‍රී ලංකා රාමාඤ මහනිකායේ නියෝජ්‍ය අධිකරණ ලේඛකාධිකාරි පුත්තලම දිස්ත්‍රික් සාසනාරක්ෂක මණ්ඩලයේ ගරු සභාපති පූජ්‍ය හාල්පන්විල පාලිත ස්වාමින් වහන්සේ,හලාවත පුත්තලම දෙදිසාවේ උප ප්‍රධාන අධිකරණ සංඝනායක, පුත්තලම දිස්ත්‍රික් ශානාරක්ෂක මණ්ඩලයේ ගරු ලේඛකාධිකාරි දේශකීර්ති, ආරච්චිකට්ටුව කරුක්කුව ශ්‍රී ජයතිලකාරාමයේ ගරු විහාරාධිපති පූජ්‍ය නවදන්කුලමේ මේධානන්ද ස්වාමීන් වහන්සේ,පුත්තලම දිස්ත්‍රික්කයේ ප්‍රාදේශීය ශාසනාරක්ෂක මණ්ඩලවල ගරු සභාපති ගරු ලේඛකාධිකාරි ස්වාමින් වහන්සේලා ඇතුළු මහා සංඝරත්නය,අන්‍ය ආගමික පුජකවරුන්,ස්වදේශ කටයුතු නියෝජ අමාත්‍ය අශෝක ප්‍රියන්ත,ජල සම්පාදන රාජ්‍ය අමාත්‍ය සනත් නිශාන්ත,හිටපු විදේශ කටයුතු නියෝජ අමාත්‍ය නියෝමාල් පෙරේරා, බුද්ධශාසන ආගමික හා සංස්කෘතික කටයුතු අමාත්‍යාංශයේ ලේකම් සෝමරත්න විදානපතිරණ,බෞද්ධ කටයුතු කොමසාරිස් ජනරාල් සුනන්ද කාරියප්පෙරුම,පුත්තලම දිස්ත්‍රික් ලේකම් එච්.එම්.එස්.පී.හේරත්, බුද්ධශාසන ආගමික හා සංස්කෘතික කටයුතු අමාත්‍ය විදුර වික්‍රමනායක යන
මහත්වරු සහ විවිධ රාජ්‍ය ආයතන ගණනාවක නිලධාරිහු ඇතුළු පිරිසක් මෙම අවස්ථාවට එක්වුහ.
@Media Unit
