වජිර විවෘත කළ රනිල්ගේ කාර්යාලය සහ අභ්‍යන්තර අර්බුද
රනිල් වික්‍රමසිංහගේ දේශපාලන කාර්යාලයක් පසුගිය 06 වෙනි දින කඩිමුඩියේ විවෘත කිරීමට වජිර අබේවර්ධන ක්‍රියා කිරීම සම්බන්ධයෙන් රවී කරුණානයක ඇතුළු පිරිසක් දැඩි ලෙස විරෝධය පළ කර ඇති බව අනාවරණය වේ.
එම කාර්යාලය විවෘත කිරීමේ උත්සවයට සහභාගීවීම ද රවී කරුණානායක විසින් වර්ජනය කර ඇත. ගාල්ල දිස්ත්‍රික්කය නියෝජනය කරන වජිර අබේවර්ධන මීලඟ පාර්ලිමේන්තු මැතිවරණයේදී කොළඹ දිස්ත්‍රික්කයෙන් තරඟ කිරීමේ යටි අරමුණ සහිතව මෙවැනි කාර්යාලයක් විවෘත කළ බව රවී කරුණානායක මෙන් ම, එක්සත් ජාතික පක්ෂයේ ඉහළ නිලධාරීන් ගණනාවකගේ මතව වී තිබේ.
සාගල රත්නායක මීලඟ මැතිවරණයේදී ගාල්ල දිස්ත්‍රික්කයට තරඟ කිරීමට ඉඩ හැර මන්ත්‍රි ධුර වැඩි සංඛ්‍යාවක් පවතින කොළඹ දිස්ත්‍රික්කයෙන් නාමයෝජනා ලබාදී කෙසේ හෝ මන්ත්‍රී ධුරයක් ලබා ගැනීමට සැලසුම් කර ඇතැයි පවතින සැකය මත විරෝධතා ගැටුම් අලුතින් නිර්මාණය වී තිබේ.
@Lanka Truth
