බ්‍රිතාන්‍ය ඈන් කුමරිය රෝහල්ගත කෙරේ
රාජකීය ඈන් කුමරිය Gloucestershire හි ඇගේ වතුයායේදී හිසට සුළු තුවාලයක් සහ කම්පනයකට ලක්වීමෙන් පසු රෝහල් ගත කර ඇති බව බකිංහැම් මාලිගය පවසයි.
ඈන් කුමරිය ඉරිදා ඇගේ ගැට්කොම්බ් පාර්ක් වතුයායේ සිදු වූ සිදුවීමකින් පසු මෙලෙස රෝහල්ගත කර ඇත. ගැට්කොම්බ් වතුයායේ අශ්වයන්ගේ සුවදුක් බලමින් සිටියදී මෙම අනතුර සිදු වූ බව බකිම්හැම් මාලිගා තොරතුරු මාර්ග දන්වා සිටී. සිද්ධිය සිදු වූ අවස්ථාවේ දී හදිසි සේවා කැඳවීමෙන් අනතුරුව ඇයවරිස්ටල්හි සවුත්මීඩ් රෝහලට ගෙන යන ලදී. සිද්ධිය සිදු වූ අවස්ථාව වන විට ඇගේ සැමියා අද්මිරාල් ශ්‍රීමත් ටිම් ලෝරන්ස් සහ ඇගේ දියණිය සාරා සහ පුත් පීටර් එම අවස්ථාවේ වත්තේ සිට ඇත.
ලබා ඇති සුළු තුවාල හා කම්පනය හේතුවෙන් මේ සතිය අග වන තෙක් ඇය රෝහලේ රැඳී සිටීමට තීරණය කර ඇති අතර මේ හේතුවෙන් මේ සතිය අවසානයේ ආරම්භ වීමට නියමිතව තිබූ ඈන් කුමරියගේ කැනඩා සංචාරය ද කල් දමා තිබේ.
73 හැවිරිදි ඈන් කුමරිය අශ්වයන් කෙරෙහි ඇති උනන්දුව සහ අශ්වාරෝහක ක්‍රීඩාවේ ජයග්‍රහණ සඳහා යොමු වී ඇති අතර 1976 දී මොන්ට්‍රියෙල් හි පැවති ඔලිම්පික් තරඟ සඳහා තරඟ කළ රාජකීය පවුලේ පළමු සාමාජිකයා බවට පත්විය.
දෙවන එලිසබෙත් සහ පිලිප් කුමරුගේ දෙවන දරුවා ලෙස ඇය උපත ලබන විට සිංහාසනයේ තුන්වන ස්ථානයට පත් වූ අතර ඇය දැන් අනුප්‍රාප්තික රේඛාවේ 17 වන ස්ථානයේ සිටී.
ඇය දෙවරක් විවාහ වී ඇත. ඇගේ පළමු සැමියා වන කපිතාන් මාර්ක් ෆිලිප්ස් ඇගේ දරුවන් දෙදෙනා වන පීටර් සහ සාරාගේ පියාය.
@දිනමිණ
