ක්ලබ් වසන්ත ඝාතනයේ සැකකරුවන් අගෝස්තු 20 දක්වා බන්ධනාගාරයට

සුරේන්ද්‍ර වසන්ත පෙරේරා හෙවත් ක්ලබ් වසන්ත ඝාතනය සම්බන්ධයෙන් අත්අඩංගුවට ගත් ටැටූ ආයතනයේ හිමිකරු ඇතුළු සැකකරුවන් දසදෙනා අගෝස්තු 20 වනදා දක්වා රක්ෂිත බන්ධනාගාරගත කිරීමට අද නියෝග කරන ලදි.

අද (05) දහවල් එම සැකකරුවන්ව කඩුවෙල මහෙස්ත්‍රාත් අධිකරණයට ඉදිරිපත් කිරීමෙන් අනතුරුව එම නියෝගය ලබා දී ඇත.

මේ අතර සැකකරුවන් අධිකරණයට ගෙන ඒමේදී සහ නැවත රැගෙන යාමේදී විශේෂ ආරක්ෂක වැඩපිළිවෙලක් දියත් කර තිබෙනු දක්නට ලැබුණි.