පොලිස්පති පත්කිරීම සම්බන්ධයෙන් රනිල්ට කතානායකගෙන් සෘජු පිළිතුරක්
වැඩ බලන පොලිස්පතිවරයෙකු පත් කරන ලෙස ශ්‍රේෂ්ඨාධිකරණය අනුප්‍රාප්තික ජනාධිපති රනිල් වික්‍රමසිංහට ලබා දුන් නියෝගය ක්‍රියාත්මක නොකර එය කතානායක වෙත පැටවීමට දරන ලද උත්සාහය පෙරලා රනිල් වික්‍රමසිංහ වෙත පාරාවළල්ලක් වී තිබේ.
රනිල් වික්‍රමසිංහ මෙයට පෙර ප්‍රකාශ කර තිබුණේ අගවිනිසුරුවරයා සහ කතානායකවරයා එක්ව සාකච්ඡා කර වැඩ බලන පොලිස්පති පත් කිරීමේ ගැටළුව විසඳා ගන්නා ලෙස ය.
ඉරානයේ නිල චාරිකාවකින් පසුව මෙරටට පැමිණි කතානායක මහින්ද යාපා අබේවර්ධන නීතිපතිවරයාගේ උපදෙස් පතා ඇති අතර ඒ සම්බන්ධයෙන් දීර්ඝ පැහැදිලි කිරීම් නීතිපතිවරයා විසින් කතානායකට ලබා දී ඇත. මේ අතර කතානායක අවධාරණය කර තිබෙන්නේ “අගවිනිසුරුවරයා සමඟ සාකච්ඡා කිරීමේ කිසිදු නීතිමය පදනමක් නැහැ“ යනුවෙනි. කතානායකගේ එම පිළිතුර මගින් නීතිඥ වෘත්තීයේ වසර 50ක් සම්පූර්ණ බව කියන රනිල් වික්‍රමසිංහ වෙත දැඩි ප්‍රහාරයක් එල්ල වී තිබේ.
@Lanka Truth
