ගාසා තීරයට සටන් විරාමයක්
පෝලියෝ රෝගයට එරෙහිව දරුවන්ට එන්නත් කිරීම සඳහා ඉඩ සැලසීම සඳහා ගාසා තීරයේ “මානුෂීය සටන් විරාම” මාලාවකට ඊශ්‍රායලය එකඟතාව පළ කර තිබේ.
මෙම ව්‍යාපාරය ගාසා තීරය හරහා ළමුන් 640,000ක් පමණ එන්නත් කිරීම ඉලක්ක කර ඇති බව ලෝක සෞඛ්‍ය සංවිධානය පවසයි.
මෙම එන්නත් කිරීමේ ව්‍යාපාරය ඉරිදා ආරම්භ වන බව ලෝක සෞඛ්‍ය සංවිධානයේ ජ්‍යෙෂ්ඨ නිලධාරියෙක් මාධ්‍ය වෙත පවසා ඇතැයි අල්ජසීරා ප්‍රවෘත්ති සේවය වාර්තා කරයි.
එය ගාසා තීරයේ මධ්‍යම, දකුණු සහ උතුරු කොටස් හරහා වෙනම අදියර තුනකින් විහිදෙන බව ලෝක සෞඛ්‍ය සංවිධානය පවසයි.
වසර 25 කට පසු ගාසා හි පළමු පෝලියෝ රෝගය වැළඳීමෙන් මාස 10 ක ළදරුවෙකු අර්ධ වශයෙන් අංශභාගයට පත්ව ඇති බව එක්සත් ජාතීන්ගේ නිලධාරීන් ප්‍රකාශ කිරීමෙන් දින කිහිපයකට පසුව මෙම ගිවිසුමට පැමිණ තිබේ.
@දිනමිණ
Please follow and like us:
