TNA, EPDP උතුරට වෙන වෙනම තරග කරයි

ඉදිරි මහ මැතිවරණයට තනිව තරග කරන බව, ඉලංගෙයි තමිල් අරුසු කච්චි පක්ෂය පවසයි. 

එහි මාධ්‍ය ප්‍රකාශක හිටපු පාර්ලිමේන්තු මන්ත්‍රි එම්.ඒ. සුමන්දිරන් කොළඹ කැදවා තිබූ ප්‍රවෘත්ති සාකච්ඡාවකට එක්වෙමින් කියා සිටියේ ජාතික ජන බලවේගයේ ආණ්ඩුවක් මහ මැතිවරණයෙන් පසු ගොඩනැගෙන්නේ නම් ඔවුන් සමග සාකච්ඡා කිරීමටද සූදානම් බවයි.

කෙසේ වෙතත් පසුගිය ජනාධිපතිවරණයේදී ස්වාධින අපේක්ෂක පී.අරිනේත්‍රන්ට සහය පළ කළ දෙමළ ජාතික සන්ධානයේ හවුල්කාර පක්ෂයක් වන ටෙලෝ සංවිධානයේ නායක හිටපු පාර්ලිමේන්තු මන්ත්‍රි සෙල්වම් අඩෙක්කලනාදන් කියා සිටියේ විපක්ෂයේ සියලු පක්ෂ එක්ව මහ මැතිවරණයට තරග කළ යුතු බවයි.

මේ අතර හිටපු අමාත්‍ය ඩග්ලස් දේවනන්ද නායකත්වය දරණ ඊ.පී.ඩී.පී සංවිධානයද මෙවර මහ මැතිවරණයට වෙනම තරග කිරීමට තීරණය කර ඇති බව වාර්තා වේ.

@slleader.lk