ඇෆ්ගනිස්ථානයේ ප්‍රභල භූ කම්පනයක් – 250ක් ජීවිතක්ෂයට
ඇෆ්ගනිස්ථානයේ නැගෙනහිර ප්‍රදේශයට රික්ටර් මාපකයේ 6.0ක ප්‍රබලත්වයකින් යුත් භූ කම්පනයක් සිදුව ඇති අතර, එමගින් පුද්ගලයන් 250 දෙනෙකු ජීවිතක්ෂයට පත්ව ඇති බවට තහවුරු කර ඇත.
මේ වන විට රෝහල්වලට ඇතුළත් කර ඇති තුවාල ලැබූවන් සංඛ්‍යාව 500 ඉක්මවන බව බලධාරීහු වාර්තා කරති.
මෙම භූ කම්පනය මධ්‍යස්ථ ගැඹුරකින් සිදුව ඇති බැවින් හානිය වඩාත් බරපතල වී තිබේ. තලේබාන් රජයේ විවිධ ආරංචි මාර්ග උපුටා දක්වමින් වාර්තා කර ඇත්තේ, නිවාස දුසිම් ගණනක් නටබුන් යටට යටවී ඇති බවත්, මරණ සංඛ්‍යාව තවදුරටත් ඉහළ යා හැකි බවට බියක් පවතින බවත් ය.
තලේබාන් රජය මානුෂීය ආධාර සංවිධානවලින් ඉල්ලා ඇත්තේ, ගලවා ගැනීමේ මෙහෙයුම් සඳහා සහය ලබා දෙන ලෙසයි.
මෙම භූ කම්පනය හේතුවෙන් දුෂ්කර කඳුකර ප්‍රදේශවලට ප්‍රවේශ වීම අසීරු වී ඇති අතර, නාය යෑම් සහ ගංවතුර තත්ත්වයන් නිසා සමහර ප්‍රදේශවලට ගුවනින් පමණක් ප්‍රවේශ විය හැකිය.
මෙම භූ කම්පනය කාබුල් සිට කිලෝමීටර් 300කට වඩා ඈතින් පිහිටි පාකිස්ථානයේ අගනුවර වන ඉස්ලාමාබාද් දක්වා ගොඩනැගිලි කම්පනයට ලක් වී තිබේ.
@Lanka C News
