වනවාසියා සාටක වාසියෙක්

ජාතිවාදය තුළ තම පැවැත්ම සනිටුහන් කරගැනීම සදහා රටක අනාගතය නැවත නැවතත් අවධානමක දැමීමට කටයුතු කරනා මෙන්ම චීවරයට මුවාවී ඉතා පටු අරමුණු වෙනුවෙන් කුමන හෝ අවස්ථාවක් ලැබෙන තුරු ගිජු ලෙස බලා සිටිනා පුද්ගලයෙක් සම්බන්ධයෙන් නීතිඥ නුවන් බෝපගේ තම මුහුණුපොතේ තබන ලද සටහනක් පහතින්,

මේ හාදය ගෝල්ෆේස් අරගලය ඇතුලේ මාස ගණනාවක් හිටියා. ඒ හැම අවස්ථාවකම පෙනී හිටියේ වනවාසී බලන්ගොඩ කස්සප කියන අනන්‍යතාවයෙන්. අරගලය ඇතුලේ ගැඹුරු විශේෂයෙන්ම ජාතිවාදයට එරෙහි සංවාදවලදී මේ හාදයා මැද්දට පැනලා සම්පූර්ණයෙන්ම ඒ සංවාද දියකර හරින්න ජාතිවාදය දිහාවට අරගලය අදින්න උත්සහ කරපු අවස්ථා ගොඩාක් තිබ්බා.

කොහොම වුණත් මේ හාදයගෙ අනන්‍යතාවය එළිවෙන අපූරු සිද්ධියක් සිද්ධ වුණා. අරගලය ඇතුලේ සිදුවුණු උද්ඝෝෂණයක් අතරතුර මේ හාදයාව අත්අඩංගුවට ගත්තා. පොලිසියේදී කට උත්තරේ දෙනකොටත් ලිපිනයක් කිව්වේ නෑ. කිව්වේ වනවාසි කියල.

කොටුව මහේස්ත්‍රාත්තුමා වෙත ඉදිරිපත් කිරීමෙන් පසුව වෙනත් නීතිඥයෙකු ඇප ගන්න ඉදිරිපත් වෙනවා කිව්වට ඉදිරිපත් උනේ නෑ. පස්සේ මම මූලික වෙලා ඇප ගත්තා. හැබැයි ඇපකාරයෝ දෙදෙනෙකු ශරීර ඇප ලෙස ඉදිරිපත් කරන්න කියලා මහේස්ත්‍රාත්තුමා නියම කරා. ඇපකාරයෝ දෙදෙනෙක් ඉන්නවා කියලා එනකන් මමත් බලාගෙන හිටියා.

කිව්වා වගේම ඇපකාරයෝ දෙන්නෙකුත් ආවා. හැබැයි ඒ ඇපකාරයෝ දන්නේ නෑ මේ හාදයා ඇත්ත අනන්‍යතාවය හංගගෙන වනවාසී කියන ලේබලය ගහගෙන අරගලේ ඇතුලේ හිටියා කියලා. ඇප දෙන්න ආපු දෙන්නා මම ගාවට ඇවිල්ලා කිව්වේ රතන හාමුදුරුවෝ තමයි එව්වේ ඇප තියන්න කියල.ඒ එක්කම වනවාසියා සාටක වාසියෙක් පිල්ලියක් කියලා හෙළිදරව් වුණා.

අරගලේ අල කරන තැන ඉඳන් මේ දක්වා කරන්නේ ජාතිවාදීන්ගේ, ආගම්වාදීන්ගේ රාජපක්ෂලගේ ව්‍යපෘතියක් වෙනුවෙන් වැඩ කරන එක. ඡන්ද වෙනුවෙන් පිළිම විවෘත කරපු ,කොත් විවෘත කරපු පිරිත් නූල් බැඳපු රාජපක්ෂලගේම ආගමික දෘෂ්ටිවාදය පෝෂණය කරපු ආණ්ඩුවට ත්‍රිකුණාමලය සිද්ධියේදී කස්සපලට යටවෙන්න සිදුවීම පුදුමයක් නෙවෙයි.