කෙහෙළියගේ තවත් නඩුවක් මාර්තු 14 කැඳවයි

දූෂණය සිදු කළ බවට චෝදනා ලැබ සිටින හිටපු අමාත්‍ය කෙහෙළිය රඹුක්වැල්ල මහතා ඇතුළු විත්තිකරුවන් තුන්දෙනෙකුට එරෙහිව ගොනු කර ඇති නඩුව මාර්තු මස 14 වැනිදා කැඳවන ලෙස කොළඹ මහාධිකරණය නියෝග කර තිබේ.

2015 ජනාධිපතිවරණය සමයේ ශ්‍රී ලංකා රූපවාහිනි සංස්ථාවට අයත් රුපියල් ලක්ෂ දහයකට ආසන්න මුදලක් වැය කර දේශපාලන කටයුතු සඳහා ජී.අයි. පයිප්ප බට 600ක් මිලදී ගැනීම තුළින් රජයට අලාභයක් සිදු කළ බවට මෙම විත්තිකරුවන්ට චෝදනා එල්ල වී ඇත.

මෙම නඩුව අල්ලස් හෝ දූෂණ විමර්ශන කොමිෂන් සභාව විසින් ගොනු කර තිබේ.

නඩුවේ විත්තිකරුවන් ලෙස හිටපු අමාත්‍ය කෙහෙළිය රඹුක්වැල්ල, ශ්‍රී ලංකා රූපවාහිනි සංස්ථාවේ හිටපු සභාපති විමල් රූබසිංහ සහ එහි හිටපු අධ්‍යක්ෂ ජනරාල් චන්ද්‍රපාල ලියනගේ යන මහත්වරුන් නම් කර ඇත.

@දිනමිණ