ගම්මන්පිලට එරෙහි නඩුව – පැමිණිල්ලේ සාක්ෂි සූම් තාක්ෂණයෙන් කැඳ­වයි

ඔස්ට්‍රේ­ලි­යානු ජාතික ව්‍යාපා­රි­ක­ය­කුට අයත් මෙරට ප්‍රසිද්ධ පෞද්ග­ලික බැංකු­වක රුපි­යල් මිලි­යන 20කට වැඩි වටි­නා­ක­මක් ඇති කොටස් ප්‍රමා­ණ­යක් සාවද්‍ය පරි­හ­ර­ණය කිරීමේ චෝද­නාව යටතේ හිටපු ඇමැති උදය ගම්ම­න්පි­ලට එරෙ­හිව පවරා ඇති නඩුවේ පැමි­ණිල්ලේ අව­සන් සාක්ෂි­කා­රිය වන ඔස්ට්‍රේ­ලි­යානු ජාතික ජැනට් ෂැඩික්ගේ සාක්ෂි කැඳ­වීම සඳහා සති­යක් ඇතු­ළත දිවු­රුම් ප්‍රකා­ශ­යක් අධි­ක­ර­ණ­යට ඉදි­රි­පත් කරන ලෙස ඇගේ ඇටෝනි බල­ක­රුට කොළඹ මහා­ධි­ක­ර­ණය ඊයේ (09දා) නියෝග කළේය.

ඔස්ට්‍රේ­ලි­යාවේ නිව් වෙස්ටන් ප්‍රදේ­ශයේ වාසය කරන පැමි­ණිල්ලේ සාක්ෂි­කා­රි­යගේ සාක්ෂිය එහි ශ්‍රී ලංකාවේ කොන්සල් කාර්යා­ලයේ සිට සම­කා­ලීන ශ්‍රව්‍ය දෘශ්‍ය සම්බ­න්ධ­ක­යක් (සූම්) ඔස්සේ ගැනී­මට නියෝග කළ කොළඹ මහා­ධි­ක­රණ විනි­සුරු නදී අපර්ණා සුව­න්දු­රු­ගොඩ මහ­ත්මිය, එම අව­ස්ථාව තානා­පති කාර්යා­ලය සමඟ සම්බ­න්ධී­ක­ර­ණය කරන ලෙස මහා­ධි­ක­රණ රෙජි­ස්ට්‍රා­ර්ව­රි­යට නියෝග කළාය.

ඊයේ (9දා) නඩුව කැඳවූ අව­ස්ථාවේ සාක්ෂි­කා­රි­යගේ ඇටෝනි බල­කරු ලෙස ආර්. ලසිත් ඉන්දී­වර පෙරේරා යන අය අධි­ක­ර­ණය ඉදි­රියේ පෙනී සිටි­යේය. සාක්ෂි­කා­රි­යගේ දිවු­රුම් ප්‍රකා­ශය ඉදි­රි­පත් කිරීම ඔහුට නියම කෙරිණි. ඩිජි­ටල් නොමි­නීස් පෞද්ග­ලික සමා­ගමේ අධ්‍ය­ක්ෂ­ව­රුන් වන ඔස්ට්‍රේ­ලි­යානු ජාතික බ්‍රයන් ජෝන් ෂැඩික් සහ ඔහුගේ බිරිය වන ජැනට් එළි­ස­බෙත් ෂැඩික් යන තැනැ­ත්තන්ගේ අත්සන් යොදා 1997 අප්‍රේල් 18දිනට දාතම කර සකස් කළ ව්‍යාජ ඇටෝර්නි බල­ප­ත්‍ර­යක් මඟින් පෑන් ඒෂියා බැංකුවේ කොටස් විකි­ණීමේ චෝද­නාව යටතේ මෙම නඩුව ගොනු­කර තිබේ.

විත්ති­ක­රුට එරෙ­හිව දණ්ඩ නීති සංග්‍ර­හයේ 113 (අ), 102, 389 යන වගන්ති යටතේ නඩු පැව­රීම සිදුව ඇත.

රුපි­යල් මිලි­යන 21කට වැඩි වටි­නා­ක­මින් යුක්ත පෑන් ඒෂියා බැංකුවේ ව්‍යාපාර කොටස් සාප­රාධී සාවද්‍ය පරි­හ­ර­ණය හා කූට ලේඛන සකස් කිරීමේ චෝදනා යටතේ නීති­ප­ති­ව­රයා විසින් 2016 වස­රේදී මෙම නඩුව පවරා තිබේ.

පූර්ව­ගාමී විනි­සු­රු­ව­ර­යකු ඉදි­රියේ 2024 වසරේ නොවැ­ම්බර් 25දා නඩුව කැඳවූ අව­ස්ථාවේ පැමි­ණිල්ලේ 3 වැනි සාක්ෂි­ක­රුට 196 වග­න්තිය යටතේ සිතාසි නිකුත් කර තිබේ.

සාක්ෂි­කා­රි­ය­ගෙන් සම­කා­ලීන ශ්‍රව්‍ය දෘශ්‍ය සම්බ­න්ධ­ක­යක් (සූම්) ඔස්සේ සාක්ෂි විම­සී­මට සූදා­නම් වීමේදී විත්තිය විරෝ­ධ­තා­වක් ඉදි­රි­පත් කර ඇත. 2023 අංක 10 දරන අප­රා­ධ­යක වින්දි­ත­යන් සහ සාක්ෂි­ක­රු­වන්ට සහාය දීමේ හා ආරක්ෂා කිරීමේ පනත සහ 2025 අංක 7 දරන අප­රාධ නඩු විධාන සංග්‍ර­හය (සංශෝ­ධන) පනතේ 273 (ජ) වග­න්තිය එකි­නෙ­කට ස්වායත්ත පනත් දෙකක් බව ප්‍රකාශ කළ රජයේ අධි­නී­තිඥ ශක්තික ජාගො­ඩ­ආ­රච්චි මහතා ඒ අනුව සාක්ෂි­කා­රි­යගේ සාක්ෂි විම­සී­මට හැකි බව ප්‍රකා­ශ­කර සිටි­යේය.

එම කරුණු දැක්වීම පිළි­ගත් අධි­ක­ර­ණය නඩුවේ කාර්ය­ප­ටි­පා­ටිය සමඟ අනු­කූල වීම සඳහා සාක්ෂි­කා­රි­යගේ දිවු­රුම් ප්‍රකා­ශ­යක් ගැනී­මට හා ඇගේ අන­න්‍ය­තාව සහ­තික කර ගැනී­මට නියෝග කළේය. කොළඹ මහා­ධි­ක­රණ විනි­සුරු ආර්.එස්.එස්. සපු­විද මහතා ඉදි­රියේ මෙම නඩුව මෙයට පෙර කැඳවා ඇත.

ජනා­ධි­පති නීතිඥ ශවේන්ද්‍ර ප්‍රනාන්දු මහතා විත්තිය වෙනු­වෙන් පෙනී සිටි­යේය.

@දිනමිණ