අපිත් සටන් විරාමයට කැමතියි – බෙන්ජමින් නෙතන්යාහු
අමෙරිකා ජනාධිපති ඩොනල්ඩ් ට්රම්ප්ගේ තීරණයට ඊශ්රායල අග්රාමාත්ය බෙන්ජමින් නෙතන්යාහු සහාය පළ කර ඇත.
කෙසේ නමුත් අදාළ සටන් විරාමයට ‘ලෙබනනය ඇතුළත් නොවේ’ යැයි සදහන් කර තිබේ.
අමෙරිකානු-ඉරාන සටන් විරාමය පිළිබඳව ඊශ්රායල අගමැති කාර්යාලය නිවේදනයක් නිකුත් කරමින් මේ බව සදහන් කර ඇතැයි විදෙස් මාධ්ය වාර්තා කරයි.
“ඉරානය වහාම සමුද්ර සන්ධිය විවෘත කර අමෙරිකාව, ඊශ්රායලය සහ කලාපයේ රටවලට එල්ල වන සියලුම ප්රහාර නතර කළහොත් ඉරානයට එරෙහි ප්රහාර සති දෙකකට අත්හිටුවීමට ජනාධිපති ට්රම්ප් ගත් තීරණයට ඊශ්රායලය සහාය දක්වයි” යනුවෙන් එම ප්රකාශයේ සඳහන් වූ බව ඊශ්රායල මාධ්ය වාර්තා කරයි.
“ඉරානය තවදුරටත් අමෙරිකාව, ඊශ්රායලය, ඉරානයේ අරාබි අසල්වැසියන් සහ ලෝකයට න්යෂ්ටික, මිසයිල සහ ත්රස්තවාදී තර්ජනයක් එල්ල නොකරන බව සහතික කිරීමට එක්සත් ජනපද උත්සාහයට ඊශ්රායලය ද සහාය දක්වයි. ඉදිරි සාකච්ඡා වලදී එක්සත් ජනපදය, ඊශ්රායලය සහ ඊශ්රායලයේ කලාපීය රටවල් විසින් බෙදා ගන්නා මෙම අරමුණු සාක්ෂාත් කර ගැනීමට තමන් කැපවී සිටින බව එක්සත් ජනපදය ඊශ්රායලයට පවසා තිබේ,” යනුවෙන් ද එහි සඳහන්ව ඇත.
“සති දෙකක සටන් විරාමයට ලෙබනනය ඇතුළත් නොවේ,” යනුවෙන් ද අදාළ නිවේදනයේ තවදුරටත් සඳහන්ව ඇතැයි වාර්තා වේ.
@දිනමිණ
Discover more from cmn.lk
Subscribe to get the latest posts sent to your email.
