ඉන්ධන හිඟයක් නැහැ
රට තුළ කිසිදු ඉන්ධන හිඟයක් නොමැති බවත්, ඉන්ධන සැපයුම අඛණ්ඩව පවත්වාගෙන යෑමට අවශ්ය සියලු පියවර ගෙන ඇති බවත් ලංකා ඛනිජ තෙල් නීතිගත සංස්ථාව (CPC) අවධාරණය කරයි. ඛනිජ තෙල් නීතිගත සංස්ථාවේ කළමනාකාර අධ්යක්ෂ මයුර නෙත්තිකුමාර මහතා ප්රකාශ කළේ, මෙට්රික් ටොන් 90,000 බැගින් බොර තෙල් රැගත් නෞකා දෙකක් ඉදිරි දින කිහිපය තුළ කොළඹ වරායට ළඟා වීමට නියමිත බවයි. මෙම නෞකා දෙකෙන් එකක් ඇමෙරිකා එක්සත් ජනපදයෙන් ද, අනෙක එක්සත් අරාබි එමීර් රාජ්යයෙන් ද මෙරටට ගෙන්වනු ලබයි. මේ හරහා රටේ පවතින ඉන්ධන අවශ්යතාව සපුරාලීමට සහ පිරිපහදු කටයුතු අඛණ්ඩව කරගෙන යෑමට හැකි වනු ඇත. ඉන්ධන මිල ඉදිරියේදී ඉහළ යනු ඇති බවට සමාජ මාධ්ය ඔස්සේ පැතිර යන පදනම් විරහිත ප්රචාර හේතුවෙන් ඇතැම් ඉන්ධන පිරවුම්හල් අසල අනවශ්ය පෝලිම් නිර්මාණය වී තිබේ. කළමනාකාර අධ්යක්ෂවරයා පෙන්වා දෙන්නේ මේවා හුදෙක් අසත්ය තොරතුරු පමණක් බවයි.
රට තුළ දැනට පවතින ඉන්ධන තොග ප්රමාණවත් බැවින්, ජනතාව අනියත බියක් ඇති කර නොගත යුතු බව සංස්ථාව දැනුම් දෙයි. එබැවින්, මෙවැනි අසත්ය තොරතුරු විශ්වාස කරමින් පෝලිම්වල රැඳී සිටීමෙන් ජනතාව පීඩාවට පත් නොවිය යුතු බව ද ඛනිජ තෙල් නීතිගත සංස්ථාව වැඩිදුරටත් අවධාරණය කර සිටියි.
@දිනමිණ
Discover more from cmn.lk
Subscribe to get the latest posts sent to your email.
