ලෝක කුසලානය දිනාගත් ක්‍රීඩකයින්ට හිමිවන කෝටි 5ක් වටිනා දියමන්ති මුද්ද

(ප්‍රින්ස් ගුණ‍සේ­කර)

ලෝක පාපන්දු කුස­ලාන තර­ගා­ව­ලියේ ආර්ජ­න්ටි­නාව සහ ස්පාඤ්ඤය අතර පැවැ­ත්වෙන අව­සාන තරග‍යේ ප්‍රධාන ආරා­ධි­තයා ලෙස සහ­භා­ගි­වන අමෙ­රි­කානු ජනා­ධි­පති ඩොනල්ඩ් ට්‍රම්ප් මහතා අතින් කුස­ලා­නය දිනා ගන්නා කණ්ඩා­ය­මට විශේෂ ‘ලෝක කුස­ලාන මුද්දක්’ පිරි­නැ­මී­මට කට­යුතු යොදා ඇත. මේ එක් මුද්දක නිෂ්පා­දන විය­දම අමෙ­රි­කානු ඩොලර් 150,000ක් (ශ්‍රී ලංකා මුද­ලින් කෝටි 5ක් පමණ) වනු ඇත. මේ මුදු­ව­ලට දිය­මන්ති සහ නිල් මැණික් ඇතු­ළ­ත්වන අතර, සෑම මුද්දක්ම කැරට් 18ක ඝන රත්ත­ර­නින් නිමවා ඇත.

මෙවැනි මුදු 2026ක් නිෂ්පා­ද­නය වන අතර, එය ලෝක කුස­ලාන ජය­ග්‍ර­හණ වර්ෂය සහ විකු­ණුම් ප්‍රමා­ණය යන දෙකම නිරූ­ප­ණය කෙරේ. මෙයින් ලෝක පාපන්දු ශූර කණ්ඩා­යම සඳහා විශේෂ මුදු තිහක් සාදා ඇති අතර, ඊට අම­ත­රව, ලෝක කුස­ලාන අනු­ග්‍රා­හ­ක­යන්ට හා තෝරා­ගත් පාපන්දු ලෝලීන් පිරි­ස­කට විකි­ණීම සඳහා තවත් මුදු 1,996ක් නිමවා තිබේ. සෑම මුද්ද­කම කුඩා ලෝක කුස­ලා­න­යක් ඇතු­ළත් විශේෂ කැට­ය­මක් හා ජය­ග්‍රාහී කණ්ඩා­යමේ වර්ණ ඇතු­ළත් කොට ඇත.

අව­සන් තර­ග­යෙන් පසු ‘ලෝක කුස­ලාන මුද්ද’ ශූරතා දිනූ ක්‍රීඩ­ක­යන්ට වහාම නොලැ­බෙනු ඇති බවත්, නාය­ක­යාට සහ පුහු­ණු­ක­රුට පළ­මුව සංකේ­තා­ත්මක මුදු ප්‍රදා­න­යක් සිදු කරන බවත් ෆීෆා සඳ­හන් කළේය. සංචි­තය සඳහා වන මුදු 30 පසුව ක්‍රීඩ­ක­යන්ගේ නම් සහ ශූරතා කණ්ඩා­යමේ නිශ්චිත වර්ණ සහි­තව ලබා­දෙනු ඇත.

අමෙ­රි­කානු ක්‍රීඩා සංස්කෘ­ති­යට අනුව එන්එ­ස්එල් බාස්ක­ට්බෝල් වැනි ප්‍රමුඛ පෙළේ තර­ග­වල ජය­ග්‍රාහී කණ්ඩා­ය­ම්ව­ලට මුදු ප්‍රදා­නය කිරීමේ දිගු සම්ප්‍ර­දා­යක් තිබු­ණද, ලෝක කුස­ලාන පාපන්දු තර­ගා­ව­ලි­යේදී එවැනි මුදු ප්‍රදා­න­යක් සිදු කරන ලද පළමු අව­ස්ථාව මෙය වේ.

ලෝක කුස­ලාන අව­සන් තර­ගය නැර­ඹීම සඳහා ට්‍රම්ප් පිටියේ සිටින බව ධවල මන්දිර මාධ්‍ය ලේකම් කැරො­ල­යින් ලෙවිට් තහ­වුරු කළාය. ලෝක පාපන්දු සභා­පති ගියනි ඉන්ෆැ­න්ටිනෝ සහ ඩොනල්ඩ් ට්‍රම්ප් අතර සම්බ­න්ධ­තාව වත්මන් ලෝක කුස­ලා­නය අත­ර­තුර පාපන්දු ලෝකයේ බොහෝ මත­භේ­ද­යට තුඩු දුන්නේය.

@දිනමිණ