IDHහි ප්‍රතිකාර ලබමින් සිටි මව සහ පුතු රෝහලෙන් පැන යයි

කොවිඩ් වෛරසය ආසාදනය වී කොළඹ IDH රෝහලේ ප්‍රතිකාර ලබමින් සිටි දෙදෙනෙක් රෝහලෙන් පළා ගොස් ඇති බව කොවිඩ් – 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

ඊයේ (19) රාත්‍රී 9.10ට පමණ ඇහැළියගොඩ ප්‍රදේශයේ පදිංචි මව සහ පුතා මෙලෙස රෝහලෙන් පැනගොස් ඇති බවයි කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේ.

මෙසේ පළා ගිය කොවිඩ් ආසාදිත මව සහ දරුවා සොයා ගැනීම සඳහා මේ වන විට වැඩිදුර විමර්ශන කටයුතු පොලීසිය විසින් ආරම්භ කර තිබේ.