ස්වයං නිරෝධායනයවන පුද්ගලයින් නිරීක්ෂණයට පොලිස් මෙහෙයුමක් ක්‍රියාත්මකයි
ස්වයං නිරෝධයනය සඳහා ලබා දී ඇති උපදෙස්වලට පටහැනිව කටයුතු කරන පුද්ගලයින්ට එරෙහිව නීතිය ක්‍රියාත්මක කිරීම සඳහා සිවිල් ඇඳුමින් සැරසුණු පොලිස් නිලධාරීන් යොදවා අද (31) සිට විශේෂ මෙහෙයුමක් ක්‍රියාත්මක කරන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
ස්වයං නිරෝධායනවන පුද්ගලයින් එම ස්ථානයෙන් පිටව යෑම හෝ පිටත පුද්ගලයෙක් නිරෝධායනයවන ස්ථානයට ගෙන්වා ගැනීම නිරෝධායනය රීතින් යටතේ දඬුවම් ලැබිය හැකි වරදක් බව පොලිස් මාධ්‍ය ප්‍රකාශකවරයා සඳහන් කරයි.
Please follow and like us:
