සංචාරක පැමිණීම ලක්ෂ 21 ඉක්මවයි

ලොව ඉහ­ළම සංචා­රක ආක­ර්ෂ­ණ­යක් සහිත රටක් බවට යළිත් වරක් පත්ක­ර­මින් මේ වසරේ මේ දක්වා කාලය තුළ ලක්ෂ 21කට වැඩි විදෙස් සංචා­ර­ක­යන් පිරි­සක් ශ්‍රී ලංකා­වට පැමිණ තිබේ.

ඒ අනුව නොවැ­ම්බර් මාසයේ අව­සා­නය වන විට විදෙස් සංචා­ර­ක­යන් 2,103,593 දෙනකු මෙර­ටට පැමිණ තිබෙන බව ශ්‍රී ලංකා සංචා­රක සංව­ර්ධන අධි­කා­රිය පෙන්වා­දෙයි.

2025 වසරේ නොවැ­ම්බර් මාසයේ මෙර­ටට පැමිණ ඇති සමස්ත සංචා­ර­ක­යන් සංඛ්‍යාව 212,906ක් බව පෙන්වා දෙන ශ්‍රී ලංකා සංචා­රක සංව­ර්ධන අධි­කා­රිය ඒ අනුව වසරේ මේ දක්වා මෙර­ටට පැමිණ ඇති සමස්ත විදෙස් සංචා­ර­ක­යන්ගේ සංඛ්‍යාව ගත්විට එය කැපී­පෙ­නෙන වර්ධ­න­යක් බව ද කියා සිටී.

නොවැ­ම්බර් මාස­යේදී ඉන්දි­යා­වෙන් සංචා­ර­ක­යන් 51,391ක් පැමිණ තිබේ. රුසි­යා­වෙන් 24,953ක් ද එක්සත් රාජ­ධා­නි­යෙන් 14,518ක් පැමිණ තිබෙන අතර ඊට අම­ත­රව ජර්ම­නි­යෙන් 9,384 දෙනකු පැමිණ තිබේ.

ඒ අනුව වසරේ මේ දක්වා ඉන්දි­යා­වෙන් 474,796ක්, එක්සත් රාජ­ධා­නි­යෙන් 191,742ක්, රුසි­යා­වෙන් 158,593ක්, ජර්ම­නි­යෙන් 131,259ක් සහ චීන­යෙන් 121,671ක් ලෙසින් වැඩි වශ­යෙන් සංචා­ර­ක­යන් මෙර­ටට පැමිණ ඇත.

@දිනමිණ