ආධාර ඇත්තටම ජනතාවට ලැබෙනවාද කියන එක ගැටලුවක් – සජිත් ප්රේමදාස
දෙනවා කියන ආධාර සැබෑ ලෙසම ජනතාවට ලැබෙනවාද කියා ගැටලුවක් පවතින බව විපක්ෂ නායක සජිත් ප්රේමදාස මහතා පවසයි.
විපක්ෂ නායක සජිත් ප්රේමදාස මහතා මේ බව කියා සිටියේ යටියන්තොට, කරවනැල්ල ප්රදේශයේ අවතැන් ජනතාව සම්බන්ධයෙන් සොයා බැලීමට පෙරේදා (06) ගිය අවස්ථාවේදී ය.
එහි දී ඒ මහතා මෙසේද කීවේය.
ජනතාවට ලබා දිය යුතු සහන සහ ආධාර මේ අවස්ථාවේ උපරිම දිය යුතුයි. නිෙවස සාදා ගන්න, දූ දරුවන් රැක බලා ගන්න, ආදායම් උත්පාදනය සහ ජීවනෝපාය සඳහා සෘජුවම ආධාර දිය යුතුයි. ගෙවල් පිරිසුදු කරගන්න ආධාර දෙනවා කිව්වත් තවමත් ඒවා ලැබිලා නැහැ. එවැනි තත්ත්වයක් උඩ නියමිත පරිදි ආධාර ලැබිය යුතු අයට එම ආධාර නොලැබෙන තත්ත්වයක් ඇති නිසා රජය මේ ගැන අවධානය යොමු කළ යුතුයි. ආධාර දෙනවා කියා ප්රචාරය දෙනවා සේම එම ආධාර ජනතාවට ලැබිය යුතුයි.
රටේ බරපතළ කාලගුණ තත්ත්වයක් නිර්මාණය වෙනවා කියන එක 11 වැනි දා සිට ප්රකාශ කර තිබෙනවා. එහි පරිමාණය එනම් අවපාතයක්, අඩු පීඩනකාරී තත්ත්වයක් හා සුළි කුණාටුවක් ඇති වන බවට කාලගුණ විද්යා දෙපාර්තමේන්තුව දැනුම් දෙන විට ආපදා කළමනාකරණය ආරම්භ කළ යුතුයි. ජනතාව මත එල්ල වන පීඩනය අවම කර ජීවිත බේරා ගන්න හැකියාවක් ජනතාවගේ ආරක්ෂාව තහවුරු කරන්න හැකියාව තිබුණා. ආපදාවක් එන බව දැනන් සිටියත් ආපදා කළමනාකරණ යන්ත්රණය සක්රීය නොවූ බවත් විපක්ෂ නායකවරයා පැවැසීය.
@දිනමිණ
Discover more from cmn.lk
Subscribe to get the latest posts sent to your email.
