හදිසි අනතුරු වලින් අහිමි වූ වටිනා ජීවිත

අලුත් අවුරුදු උත්සව සමයේ අප්‍රේල් 10 වෙනි දින සිට 18 වෙනි දින දක්වා හදිසි අනතුරුවලින් පුද්ගලයින් 80 දෙනෙකු ජීවිතක්ෂයට පත් වී ඇති බවත්, මෙම ඛේදවාචක පිළිබඳව සමාජයක් ලෙස දැඩි අවධානයක් යොමු කළ යුතු බවත් පොලිසිය පෙන්වා දී තිබේ.

එම කාලය තුළ රිය අනතුරුවලින් පුද්ගලයින් 53 දෙනෙකු ජීවිතක්ෂයට පත් වී ඇති අතර, දියේ ගිලීම්වලින් 27 දෙනෙකු ජීවිතක්ෂයට පත් වී ඇත. පෙර වසරවලට සාපේක්ෂව මෙම වසරේ හදිසි අනතුරු ඉහළ ගොස් ඇති බව පොලිසිය පෙන්වා දී ඇත.

එමෙන් ම, වැඩිම රිය අනතුරු සංඛ්‍යාවක් සහ ජීවිතක්ෂයට පත්වීම් සංඛ්‍යාවක් අප්‍රේල් 10 සහ 13 අතර දිනවල දී සිදු වී ඇති බව ද පොලිස් වාර්තාවල දැක්වේ.

@Lankatruth.com