ජාතික ඔලිම්පික් කමිටුව තුළ මූළ්ය ප්රතිපත්තියක් ඇතිකරනවා
ජාතික ඔලිම්පික් කමිටුව තුළ විනිවිදභාවයෙන් යුතු මූල්ය ප්රතිපත්තියක් ක්රියාත්මක කොට ඔලිම්පික් පරිපාලනය විධිමත් කරන බව ඉදිරි ඔලිම්පික් නිලවරණයේ සභාපති අපේක්ෂක ශිරන්ත පීරිස් මහතා පවසයි. ජාතික ඔලිම්පික් කමිටුවේ අනුබද්ධ ක්රීඩා සංගම්වල මතයට ගරු කරමින් මුදල් පාලනය කළ යුතු බවත්, ක්රීඩා සංගම්වල ප්රධානීන්ට ප්රශ්න කළ හැකි ප්රජාතන්ත්රවාදී ක්රමවේදයක් සකස් කරන බවත් ඒ මහතා පැවසීය.
ඒ මහතා මේ බව පැවසුවේ නෙළුම් කුලුන හෝටල් පරිශ්රයේ පෙරේදා පැවති මාධ්ය හමුවකදීය. නායකයකු ලෙස ක්රීඩා සම්මේලන අතර සහයෝගිතාව ගොඩනැඟීම තම මූලික අරමුණ බව ශිරන්ත පීරිස් මහතා පැවසීය.
ශ්රී ලංකාවේ ප්රවීණ රයිෆල් වෙඩික්කරුවකු සහ ශ්රී ලංකා ජාතික වෙඩි තැබීමේ ක්රීඩා සම්මේලනයේ හිටපු සභාපතිවරයකු වන ශිරන්ත පීරිස් මහතා ශ්රී ලංකා ජාතික ඔලිම්පික් කමිටුවේ උප සභාපතිවරයකු ද වේ. දශක හතරක වෘත්තීය පළපුරුද්දක් සහිත ඒ මහතා රුපියල් බිලියන 6ක් ඉක්මවන වාර්ෂික පිරිවැටුමක් හිමි ‘මෙගා ෆාර්මා’ සමූහ ව්යාපාරයේ හිමිකරු ද වේ.
ඔලිම්පික් සභාපති නාමයෝජනාව භාරදීමෙන් අනතුරුව ශිරන්ත පීරිස් මහතා ක්රීඩා සංගම් නියෝජිතයන් කැඳවා ශ්රී ලංකාවේ ක්රීඩාව ඉහළ දැමීමේ සිය දැක්ම පැහැදිලි කිරීම ද විශේෂත්වයකි.
“ශ්රී ලංකාවේ ක්රීඩාවලට පවතින දක්ෂතාවයේ අඩුවක් නෑ. අපට ඇත්තටම අවශ්ය වන්නේ සියලු දෙනා ඒකරාශිකොට විශිෂ්ටත්වය කරා යන ගමනට අත්වැලක් වෙන්නයි. සෑම ක්රීඩකයකුටම ඉදිරියට යන්න සම අවස්ථා සැලසීමයි. මුළු රටටම විශ්වාස කළ හැකි ජාතික ඔලිම්පික් කමිටුවක් නිර්මාණය කරන බව මම සහතික වෙනවා” පීරිස් මහතා පැවසීය.
“මම වෙඩි තැබීමේ ක්රීඩා සම්මේලනය දියුණු තත්ත්වයට ගෙන ආවා. මිලියන 48ක් වැය කොට ඔලිම්පික් මට්ටමේ වෙඩි පිටියක් මා හදමින් සිටිනවා. ඒ හදන්නේ අනාගත ක්රීඩකයන් වෙනුවෙන්. මට අවශ්ය වන්නේ වෙඩි තැබීමේ ක්රීඩාව දියුණු කළා වගේම සියලු ක්රීඩා දියුණු කරන්නයි. ක්රීඩා සංගම් ඒ සඳහා මට බලය ලබාදේවි කියා විශ්වාසයක් තියෙනවා” පීරිස් මහතා පැවසීය.
“මේක මම තනියම යන ගමනක් නොවෙයි. කණ්ඩායම ප්රසිද්ධ කරන්නේ නෑ. මා සමඟ මහලේකම් තනතුරට රිෆ්ඩි ෆාමි මහතා තරග කරනවා. ඔහු ඉතා දක්ෂ කෙනෙක්. ඔහු සිටිය යුතුම කෙනෙක්. ඔලිම්පික් කමිටු පරිපාලනය පිළිබඳ අත්දැකීම් ඇති අය නිලතලවලට පත්කර ගන්නා ලෙස මා ක්රීඩා සමාජවලින් ඉල්ලා සිටිනවා” පීරිස් මහතා පැවසීය.
@දිනමිණ
Discover more from cmn.lk
Subscribe to get the latest posts sent to your email.
