දෙණියාය පාසල් 04ක් තවදුරටත් වසා දමයි

උණ රෝගී තත්ත්වයක් හේතුවෙන් වසා දැමුණු දෙණියාය අධ්‍යාපන කලාපයට අයත් පාසල් හතර හෙට (11) සහ අනිද්දා (12) දිනයේ ද වසා තැබීමට පියවර ගෙන ති​බේ.

ඒ අනුව සීඝ්‍රයෙන් පැතිර යන උණ රෝගී තත්ත්වය හේතුවෙන් වසා දැමුණු දෙනියාය අධ්‍යාපන කලාපයට අයත් පාසල් හතරක් තවදුරටත් වසා තැබීමට තීරණය කර ඇත.

සෞඛ්‍ය බලධාරීන්ගේ නිර්දේශය මත රෝග ව්‍යාප්තිය පාලනය කිරීමේ පියවරක් ලෙස මෙම තීරණය ගත් බව දෙනියාය කලාප අධ්‍යාපන අධ්‍යක්ෂිකා නිශාකා හෙට්ටිගොඩ සඳහන් කළාය.

ඒ අනුව දෙනියාය මධ්‍ය විද්‍යාලය, දෙනියාය රාජපක්ෂ මහා විද්‍යාලය, දෙනියාය ශාන්ත මැතිව් ද්විභාෂා විද්‍යාලය සහ පල්ලෙගම සිද්ධාර්ථ විද්‍යාලය මෙලෙස හෙට (11) සහ අනිද්දා (12) දිනයේ වසා තැබීමට පියවර ගෙන ඇත.

@දිනමිණ