මහින්ද ඇවිත් යයි

ශ්‍රීල­න්කන් ගුවන් සමා­ග­මට 2013 වසරේ ගුවන් යානා මිලදී ගැනී­මේදී ලබා­දුන්නේ යැයි කියන අමෙ­රි­කානු ඩොලර් මිලි­යන 2ක අල්ලස් සිද්ධිය සම්බ­න්ධ­යෙන් ප්‍රකා­ශ­යක් ලබා­දෙන ලෙස කරන ලද දැනු­ම්දී­මක් අනුව හිටපු ජනා­ධි­පති මහින්ද රාජ­පක්ෂ මහතා ඊයේ (12) පෙර­වරු 9.30ට පමණ අල්ලස් කොමි­ස­මට පැමි­ණි­යේය.

හිටපු ජනා­ධි­ප­ති­ව­රයා ප්‍රකා­ශය ලබා­දී­මෙන් පසු පෙර­වරු 11.50 ට පමණ ඉන් පිටව ගිය අතර පැය දෙක­කට ආසන්න කාල­යක් ඔහු එහි රැඳී සිටි­යේය.

හිටපු ජනා­ධි­පති ගෝඨා­භය රාජ­පක්ෂ මහතා මෙන්ම පාක්ෂි­ක­යන් විශාල පිරි­සක් හිටපු ජනා­ධි­ප­ති­ව­ර­යාට සහය පළ­කි­රී­මට අල්ලස් කොමි­සම අස­ලට පැමිණ සිටි­යහ.

එම සිද්ධිය සම්බ­න්ධ­යෙන් ප්‍රකා­ශ­යක් ලබා දෙන ලෙස කළ දැනුම් දීම මත එහි පැමිණි හිටපු අමාත්‍ය පියං­කර ජය­රත්න මහතා ද පැය හත­රක පමණ ප්‍රකා­ශ­යක් ලබා දී ඉන් පිටව ගියේය.

හිටපු ජනා­ධි­ප­ති­ව­රයා අල්ලස් කොමි­ස­මට එන විට පාක්ෂි­ක­යන් විශාල පිරි­සක් කොමි­සම ඉදි­රි­පිට රැඳී සිටි අතර ප්‍රකා­ශය ලබාදී පිටව යන විට හිටපු ජනා­ධි­ප­ති­ව­රයා පැමිණ සිටි පිරි­සට අත වනා ආචාර කර පිටව යනු දක්නට ලැබිණි.

2013 වසරේ දී ශ්‍රීල­න්කන් ගුවන් සමා­ග­මට එයා­ර්බස් A-330 ගුවන් යානා 06ක් සහ A- 350 වර්ගයේ ගුවන් යානා 08ක් මිලට ගැනී­මේදී, අමෙ­රි­කානු ඩොලර් මිලි­යන 02ක මුද­ලක් අල්ලස් ලෙස ලබා­ගත්තේ යැයි එවක ශ්‍රීල­න්කන් ගුවන් සේවයේ ප්‍රධාන විධා­යක නිල­ධාරී මිය­ගිය කපිල චන්ද්‍ර­සේ­නට සහ ඔහුගේ බිරිය වන නියෝ­මාලි විජේ­නා­ය­කට චෝදනා එල්ල වුණි.

කෙසේ වෙතත් එම විම­ර්ශ­නයේ දී අල්ලස් පනත සහ දූෂණ විරෝධි පනත යට­තට ගැනෙන වරද අනා­ව­ර­ණය වී තිබූ බැවින් ඒ සම්බ­න්ධ­යෙන් අල්ලස් හෝ දූෂණ චෝදනා විම­ර්ශන කොමි­ෂන් සභාව ද විම­ර්ශ­න­යක් ආරම්භ කර තිබූ අතර ඊට අදා­ළව පසු­ගිය මාර්තු 12 වැනිදා කපිල චන්ද්‍ර­සේන යළි අත්අ­ඩං­ගු­වට ගැනුණි.

අන­තු­රුව අධි­ක­ර­ණ­යට කරුණු වාර්තා කර­මින් අල්ලස් කොමි­සමේ නිල­ධා­රීන් කියා සිටියේ, ප්‍රශ්න­ගත ගනු­දෙ­නුවේ දී තමන්ට ලද අමෙ­රි­කානු ඩොලර් මිලි­යන 02ක මුද­ලින් රුපි­යල් මිලි­යන 20ක් එව­කට සිවිල් ගුවන් සේවා අමාත්‍ය පියං­කර ජය­ර­ත්නට මහ­තාට ද, රුපි­යල් මිලි­යන 60ක මුද­ලක් එව­කට ජනා­ධි­පති මහින්ද රාජ­පක්ෂ මහ­තාට ද ලබා­දුන්නේ යැයි කපිල චන්ද්‍ර­සේන සිය කොමි­සම හමුවේ ප්‍රකාශ ලබා­දෙ­මින් පැවසූ බවය.

කෙසේ වෙතත් අල්ලස් කොමි­සමේ බල­ධා­රින් තර්ජ­නය කොට බල­හ­ත්කා­ර­යෙන් අදාළ ප්‍රකා­ශය ලබා­ගත් බව දන්ව­මින් කපිල චන්ද්‍ර‍ෙස්න මහතා යොමු කළ දිවු­රුම් ප්‍රකා­ශ­යක් ඔහුගේ නීති­ඥ­ව­රුන් විසින් අධි­ක­ර­ණ­යට ඉදි­රි­පත් කරනු ලැබීය.

කපිල චන්ද්‍රෙස්න මහ­තාගේ මළ සිරුර පසු­ගිය සිකු­රාදා නි‍ව­ස­කින් සොයා ගැනුණේ මෙවන් පසු­බි­ම­කය.

මෙම චෝදනා විම­ර්ශ­න­යට අදා­ළව ප්‍රකාශ ලබා­ගැ­නී­මට හිටපු ජනා­ධි­පති මහින්ද රාජ­පක්ෂ මහ­තාට සහ හිටපු අමාත්‍ය පියං­කර ජය­රත්න මහ­තාට ඊයේ (12) අල්ලස් කොමි­සම හමුවේ පෙනී සිටින ලෙස එම කොමි­සම දැනුම් දී තිබුණි.

@දිනමිණ