නේපාලය ගංවතුරෙන් යටවෙයි – සංචාරකයින් ඇතුළු සියගනනක් අතුරුදන්

නේපා­ලයේ ටිබෙට් දේශ­සී­මාව ආස­න්නයේ හට­ගත් හදිසි ගංව­තුර සහ නාය­යෑම් හේතු­වෙන් අවම වශ­යෙන් පුද්ග­ල­යන් 100කට වැඩි පිරිසක් ජීවි­ත­ක්ෂ­යට පත්වී ඇති අතර, එම ප්‍රදේ­ශයේ නවා­තැන් ගෙන සිටි බව කියන දෙස් විදෙස් සංචා­ර­ක­යන් 384 දෙනකු පිළි­බඳ කිසිදු තොර­තු­රක් නැතැයි විදෙස් මාධ්‍ය වාර්තා කරයි. ඊයේ අලු­යම කත්මණ්ඩු අග­නු­ව­රට උතු­රින් පිහිටි රසුවා ප්‍රදේ­ශයේ මේ හදිසි ගංව­තුර හට­ගෙන ඇති බවත්, එම ප්‍රදේ­ශය හරහා ගලා යන බෝටේ කොෂී ගංගාව අධික වර්ෂා­වෙන් පිටාර ගැලී­මෙන් එම තත්ත්වය මතුවූ බවත් පොලී­සිය ප්‍රකාශ කර තිබේ. අතු­රු­දන් වූ බව කියන සංචා­ර­ක­යන් පිළි­බඳ ඊයේ දහ­වල් වන විට නේපා­ලයේ සංචා­රක මණ්ඩ­ලය නිවේ­ද­න­යක් නිකුත් කර ඇති අතර, විදෙස් සංචා­ර­ක­යන් 291 දෙනකු සහ දේශීය සංචා­ර­ක­යන් 93 දෙනකු ලැයි­ස්තු­ගත කර තිබේ. අතු­රු­ද­න්වූ­වන් අතර ඉන්දීය සංචා­ර­ක­යන් 105 දෙනකු සිටින අතර, මැලේ­සි­යානු ජාති­ක­යන් 17ක්, බ්‍රිතාන්‍ය ජාති­ක­යන් 12ක්, දකුණු අප්‍රි­කානු ජාති­ක­යන් 4ක්, අමෙ­රි­කානු ජාති­ක­යන් 3ක් සමඟ ඔස්ට්‍රේ­ලි­යානු හා නෙද­ර්ලන්ත ජාති­ක­යකු බැගින් ලැයි­ස්තු­වට ඇතු­ළත් වී ඇතැයි වාර්තා වේ. අතු­රු­දන්වූ සෙසු විදෙස් සංචා­ර­ක­යන්ගේ අන­න්‍ය­තාව හෙළි වී නැති බව ද වාර්තා වේ. අතු­රු­ද­න්වූ­වන් සොයා නේපා­ලයේ ආර­ක්ෂක හමු­දාව ඒකා­බ­ද්ධව මෙහෙ­යුම් කට­යුතු ආරම්භ කර ඇතැයි ද වාර්තා වේ. ගංව­තුර තත්ත්ව­යෙන් රසුවා ප්‍රදේ­ශය සම්පූ­ර්ණ­යෙන්ම විනාශ වී ඇති අතර, එම ප්‍රදේ­ශයේ ආර­ක්ෂක මුර­පොළ දෙකක රාජ­කා­රියේ නිර­තව සිටි පොලිස් බළ­කායේ නිල­ධා­රීන් 13 දෙනකු ද අතු­රු­දන්වී ඇතැයි පොලිස් ආරංචි මාර්ග සඳ­හන් කර තිබේ. නේපා­ලයේ පොලිස් ප්‍රධා­නීන් සඳ­හන් කර ඇත්තේ එම ප්‍රදේ­ශයේ රාජ­කාරි කළ තවත් පොලිස් නිල­ධා­රීන් 35 දෙනකු දුර­ක­තන ඔස්සේ සම්බන්ධ කර­ගැ­නී­මට මෙතෙක් නොහැකි වූ බවය.

එම ප්‍රදේ­ශයේ ගම්මාන රැසක් ජල­යෙන් යටවී ඇති අතර, ටිබෙට් සහ නේපා­ලය අතර දේශ­සී­මාවේ දෙප­සින්ම සෝදිසි මෙහෙ­යුම් සහ මුදා ගැනීමේ කට­යුතු ක්‍රියා­ත්මක කර තිබේ.

මේ තත්ත්වය ටිබෙට් දේශ­ය­ටත් දරුණු හානි සිදු­කර ඇති අතර, චීන රාජ්‍ය මාධ්‍ය සඳ­හන් කර ඇත්තේ විශාල පිරි­ස­කට ජීවිත හානි සිදුවී ඇති බවය. ටිබෙට් දේශයේ අතු­රු­ද­න්වූ­වන් සෙවීම සඳහා දැවැන්ත මෙහෙ­යු­මක් ක්‍රියා­ත්මක කරන ලෙසත්, හදිසි ආපදා වැළැ­ක්වීම සඳහා නිරී­ක්ෂණ හා පූර්ව අන­තුරු ඇඟ­වීමේ පද්ධති ශක්ති­මත් කරන ලෙසත් චීන ජනා­ධි­පති ෂී ජින්පින් බල­ධා­රින්ට උප­දෙස් දී තිබේ. චීන පාල­නයේ පව­තින ටිබෙට් දේශයේ විප­තට පත්වූ­වන් මුදා ගැනීම සඳහා එරට රජය කඩි­න­මින් සහන කණ්ඩා­යම් යොමු කර ඇතැයි ද වාර්තා වේ. ගංව­තු­රට හසුවූ ප්‍රදේ­ශ­යෙන් ඊයේ දහ­වල් වන විට පුද්ග­ල­යන් 88 දෙනකු මුදා ගැනී­මට නේපාල ආපදා මෙහෙ­යුම් කණ්ඩා­යම් සමත් වී තිබේ. නිවාස, ගොඩ­නැ­ඟිලි, පාලම් හා මහා­මාර්ග රැසක් විනාශ වී ඇති බවත්, රසුවා ප්‍රදේ­ශයේ සිට කත්මණ්ඩු අග­නු­වර දක්වා ඇති ප්‍රධාන මාර්ගය නාය යෑම් හේතු­වෙන් වසා දැමී­මට සිදුවී ඇති බවත් එරට මාධ්‍ය වාර්තා කරයි. මෙහෙයුම් සඳහා නේපාල හමුදාවේ හෙලිකොප්ටර් යානා 12ක් යොදවා ඇති අතර ආරක්ෂක අංශ නිලධාරින් 500කට අධික පිරිසක් එක්වී සිටින බව වාර්තා වෙයි. පිටරා ගලා යන ගංගාව දෙපස පදිං­චි­ක­රු­වන්ට වහාම එම ස්ථාන­ව­ලින් ඉව­ත්වන ලෙස බල­ධා­රින් දැනුම් දී තිබේ.

නේපා­ලයේ අග­මැති බාලේන්ද්‍ර ෂා සමාජ මාධ්‍ය ජාලයේ සඳ­හන් කර ඇත්තේ වෛද්‍ය කණ්ඩා­යම්, බාල­දක්ෂ භට පිරිස් සහ රතු­කු­රුස සංවි­ධා­නය සමඟ සම්බ­න්ධීක­ර­ණ­යෙන් යුතුව කඩි­නම් පිය­වර ගනි­මින් සිටින බවය. තත්ත්වය සමා­ලෝ­ච­නය කිරීම සඳහා අග­මැ­ති­ව­රයා, රජයේ ප්‍රධා­නීන්ගේ හදිසි රැස්වී­මක් ද පැවති බව වාර්තා වේ.

විදුලි බලා­ගාර ව්‍යාපෘ­ති­යක උම­ඟක් තුළ සිටි තවත් 60ක් ගැන තොර­තු­රක් නෑ

ගංව­තු­රට හසුවූ ප්‍රදේ­ශයේ පිහිටි මෙගා­වොට් 20ක ධාරි­තා­ව­කින් යුතු ලැංග්ටැංග් කෝලා ජල­වි­දුලි ව්‍යාපෘ­තියේ සේව­යට එක්වී සිටි පුද්ග­ල­යන් 60 දෙනකු ද අතු­රු­දන්වී ඇතැයි නේපා­ලයේ කත්මණ්ඩු පෝස්ට් පුවත් සේවය වාර්තා කළේය. එම ව්‍යාපෘ­තිය භාර නිල­ධා­රි­යකු ප්‍රකාශ කර ඇත්තේ ගංව­තුර හට­ගත් අව­ස්ථා­වේදී ඔවුන් සිය­ලු­දෙ­නාම එම ව්‍යාපෘ­තියේ උම­ඟක් තුළ සේවය කර­මින් සිටි බවය. ඒ අතර ඉංජි­නේ­රු­ව­රුන් 25 දෙනකු ද සිටින බව වාර්තා වේ. එම ජල­වි­දුලි ව්‍යාපෘ­තියේ වැඩ­ක­ට­යුතු අව­සන් කර තිබූ බවත්, තවත් දින දෙක­කින් එහි පරීක්ෂණ කට­යුතු ආරම්භ කිරී­මට නිය­මි­තව තිබූ බවත් ඔහු වැඩි­දු­ර­ටත් සඳ­හන් කර තිබේ. රසූගා රේගු කාර්යා­ලයේ නිල­ධා­රින් 15 දෙනකු ද අතු­රු­දන් වී ඇතැයි එම රේගු කාර්යා­ලයේ ප්‍රධා­නියා තහ­වුරු කර තිබේ.

@දිනමිණ