මෙට්‍රෝ බසය හැප්පූ රියැ­දුරු රිමාන්ඩ්

කැස්බෑව – කොළඹ මාර්ගයේ මිරි­ස්වත්ත ප්‍රදේ­ශ­යේදී මෙට්‍රෝ බස් රථ­යක් හිතා­මතා අන­තු­රට ලක් කිරීම සම්බ­න්ධ­යෙන් අත්අ­ඩං­ගු­වට ගත් සුඛෝ­පභෝගී බස් රථ­යක රියැ­දු­රාව කැස්බෑව අධි­ක­ර­ණයේ වැඩ­බ­ලන මහේ­ස්ත්‍රාත් සුනේත්‍රා පෙරේරා මහ­ත්මිය වෙත පෙරේදා (10) ඉදි­රි­පත් කිරී­මෙන් අන­තු­රුව අනිද්දා (14) දක්වා රිමාන්ඩ් භාරයේ තබන ලෙස නියෝග කළාය.

මෙලෙස රිමාන්ඩ් භාර­යට පත්කර ඇත්තේ, මාර්ග අංක 120 හොරණ – කොළඹ සුඛෝ­පභෝගී බස් රථ­යක රියැ­දු­රකු ලෙස කට­යුතු කළ හොරණ, පොකු­ණු­විට, කරු­ණා­සේන ජය­ලත් මාවතේ පදිංචි පොලිස් විශේෂ කාර්ය බළ­කායේ හිටපු සෙබ­ළකු වන ලලිත් ප්‍රසන්ත ජය­සිංහ නමැ­ත්තෙකි.

මෙට්‍රෝ බස් රථය කහ­තු­ඩුව සිට කොළඹ බලා පැමි­ණී­මේදී කැස්බෑව හන්දියේ සිට ඊට පිටු­ප­සින්ම ප්‍රධාන ලාම්පු දල්ව­මින්, නළාව ශබ්ද කර­මින් හා වෙට්ටු දම­මින් පැමිණ තිබූ සුඛෝ­භෝගී බස් රථය, මිරි­ස්වත්ත ප්‍රදේ­ශ­යේදී එක­ව­රම මෙට්‍රෝ බස් රථ­යට ඉස්සර කර සුඛෝ­පභෝගී බස් රථයේ පිටු­පස කොටස මෙට්‍රෝ බස් රථයේ ඉදි­රි­පස දකුණු මුල්ලේ ගැටී­මට සලස්වා මෙම අන­තුර සිදු­කර තිබූ බව පොලී­සිය අධි­ක­ර­ණ­යට කරුණු දක්ව­මින් පැව­සීය.

සිදු­කළ එම අන­තු­රින් මෙට්‍රෝ බස් රථයේ දකුණු පැති කණ්ණා­ඩිය සහ ඊට පහ­ළින් ඇති වීදු­රුව කැඩී අලා­භ­හානි වී ඇති බව පොලී­සිය සඳ­හන් කරයි.

එම­ඟින් බස් රථයේ දේප­ළ­ව­ලට සිදු වූ අලා­භය රුපි­යල් 342,000ක් වන බවත්, සැක­කාර රියැ­දුරු අන­තුර සිදු­ක­රන ආකා­රය අසල සවි­කර තිබූ සීසී­ටීවී (CCTV) කැම­රා­වක ද සට­හන් වී ඇති බවත් පොලී­සිය අධි­ක­ර­ණ­යට වැඩි­දු­ර­ටත් කරුණු දැක්වීය.

අත්අ­ඩං­ගු­වට ගත් සුඛෝ­පභෝගී බස් රථයේ සැක­කාර රියැ­දුරු පොදු දේපළ පනත යටතේ අධි­ක­ර­ණය වෙත ඉදි­රි­පත් කෙරිණි.

මෙම රියැ­දුරා අත්අ­ඩං­ගු­වට ගත් අව­ස්ථා­වේදී රිය ධාව­නය සඳහා බල­ප­ත්‍ර­යක් නොති­බුණු බවත්, ඔහු බීම­තින් සිටි බවත් හෝමා­ගම මූල­ස්ථාන පොලී­සිය කියයි.

මේ වන විට කොළඹ නාග­රික මාර්ග 7ක මෙට්‍රෝ බස් රථ ධාව­න­යට යොදවා ඇති අතර, මෙම අන­තු­රත් සමඟ සති­යක් තුළ මෙට්‍රෝ බස් රථ 06ක් අන­තු­රට ලක්ව තිබේ.

මීට පෙර ද පසු­ගිය දින කිහි­පය තුළදී අතු­රු­ගි­රිය, හෝමා­ගම, රාජ­ගි­රිය, මාකු­ඹුර හා බොරැල්ල යන ප්‍රදේ­ශ­ව­ලදී ද පෞද්ග­ලික බස් රථ සමඟ ගැටී මෙට්‍රෝ බස් රථ­ව­ලට අලා­භ­හානි සිදු වී තිබුණි.