‘රාමා­යණ’ එතෙක් මෙතෙක් ආදා­යම් වාර්තා බිඳ දමයි

ඉන්දීය සාහි­ත්‍යයේ මහා වීර කාව්‍ය ලෙස සැල­කෙන වාල්මි­කිගේ රාමා­ය­ණය ඇසු­රින් සුප්‍ර­කට බොලි­වුඩ් සින­මා­කරු නිතේෂ් තිවාරි අධ්‍ය­ක්ෂ­ණය කළ ‘රාමා­යණ‘ චිත්‍ර­ප­ටය ලොව පුරා රට­වල් රැසක එක­වර තිර­ගත කර­මින් පළමු දින 5 ඇතු­ළත ඉන්දීය රුපි­යල් කෝටි 5ක වාර්තා­ගත ආදා­ය­මක් උපයා ගැනී­මට සමත්වි තිබේ. දීපා­වලි දින­යට සම­ගා­මිව පෙරේදා පම­ණක් එම චිත්‍ර­ප­ටය ඉන්දි­යාව තුළ ලබා ඇති ආදා­යම රුපි­යල් කෝටි 240කට ආසන්න බවත්, ඉරිදා දිනය අව­සන් වන විට විදේශ රට­වල් ද ඇතු­ළුව උපයා ගත් සමස්ත ආදා­යම ඉන්දීය රුපි­යල් කෝටි 499.20ක් බවත් ඉන්දීය මාධ්‍ය වාර්තා කරයි.

සුපිරි බොලි­වුඩ් නළු රන්බීර් කපූර් මෙහි රාම කුම­රුගේ චරි­ත­යට පණ පොවා ඇති අතර, සීතා කුම­රි­යගේ චරි­තය නිරූ­ප­නය කරනු ලබන්නේ දෙමළ සින­මා­වෙන් රංග­න­යට අව­තීර්ණ වූ සායි පල්ලවී විසිනි. කන්නඩ සින­මාවේ සුපිරි නළු­වකු වන යාෂ් රාවණා රජුගේ චරි­තය රඟ දක්වා ඇති අතර, සනී ඩියොල්, ලාරා දත්තා ඇතුළු තවත් සුප්‍ර­කට නළු නිළියන් රැසක් රාමා­යන වර්ණ­වත් කර තිබේ.

හින්දි බසට අම­ත­රව කන්නඩ, දෙමළ, තෙළිඟු හා මල­යා­ලම් භාෂා­ව­ලින් හඬ කවා කොටස් දෙක­කින් සම­න්විත චිත්‍ර­පට මාලා­වක් ලෙස නිර්මා­ණය කර ඇති ‘රාමා­යණ‘ සමස්ත චිත්‍ර­ප­ට­යට ඉන්දීය රුපි­යල් කෝටි 4,000ක් වැය වී ඇතැයි වාර්තා වේ. එහි පළමු කොටසේ නිෂ්පා­දන පිරි­වැය පම­ණක් ඉන්දීය රුපි­යල්  කෝටි 835ක් වන අතර, එය ඉන්දීය සිනමා ඉති­හා­සයේ එතෙක් මෙතෙක් වැඩිම පිරි­වැ­යක් දරා නිෂ්පා­ද­නය කළ චිත්‍ර­ප­ටය ලෙස ඉති­හා­ස­යට එක්වී තිබේ. මීට පෙර එම වාර්තා­වට හිමි­කම් කියනු ලැබුවේ 2024 වස­රේදී තෙළිඟු බසින් නිර්මා­ණය වූ ‘කල්කි 2898‘ චිත්‍ර­ප­ටය වන අතර, ඊට වැය කර ඇති මුදල ඉන්දීය රුපි­යල් කෝටි 650කි.

@දිනමිණ