IDH රෝහලෙන් පළාගිය කාන්තාව සොයන්න ජනතා සහය පතයි
කොවිඩ් ආසාදිතව ප්‍රතිකාර ලබමින් සිටියදී කොළඹ IDH රෝහලෙන් පළාගිය කාන්තාව සොයා ගැනීම සඳහා පොලීසිය ජනතාවගෙන් සහයෝගය ඉල්ලා සිටී.
ඊයේ ( 19 ) රාත්‍රී 9.10ට පමණ එම කාන්තාව වයස අවුරුදු 2ක පමණ දරුවා ද සමග රෝහලෙන් පැන ගොස් තිබුණි.
ඇය විසින් දරුවා ඇහැළියගොඩ ප්‍රදේශයේ ඥාති නිවසකට භාර දී එතැනින් ද පළාගොස් ඇති බව පොලිස් විමර්ශන වලදී හෙළිවී ඇති අතර පොලීසිය විසින් අද (20 ) උදෑසන දරුවා සොයාගෙන නැවත රෝහල් ගත කිරීමට අවශ්‍ය කටයුතු යොදා තිබේ.
එම 25 හැවිරිදි කාන්තාව මහා පරිමාණ හෙරොයින් මත්ද්‍රව්‍ය ජාවාරම්වලට සම්බන්ධ තැනැත්තියක් බව ද පොලීසිය වැඩි දුරටත් සඳහන් කරයි.
ඇය සොයා ගැනීම සඳහා මේ වන විටත් පොලීසිය කටයුතු කරමින් සිටී.
Please follow and like us:
