Latestවිදේශීය

ගාසා හී මිනිස් දූ පුතුන් ලක්ෂ 2ක් අවතැන්

දකුණු ගාසා තීරයේ ඛාන් යූනිස් නුව­රින් ඉව­ත්වන ලෙස ඊශ්‍රා­යල හමු­දාව පල­ස්තීන ජන­තා­වට කළ නියෝ­ග­යෙන් දෙලක්ෂ පන­ස්ද­හ­ස­කට අධික ජන­තාව දැඩි පීඩ­න­ය­කට ලක්වී සිටින බව එක්සත් ජාතීන්ගේ සංවි­ධා­නය ප්‍රකාශ කර ඇතැයි විදෙස් මාධ්‍ය වාර්තා කළේය. ගාසා තීරයේ දෙවැනි විශා­ල­තම නග­රය වන ඛාන් යූනිස් නුව­රින් ඉව­ත්වන ලෙස ඊශ්‍රා­යල හමු­දාව කළ නියෝ­ග­යෙන් අව­තැ­න්වූ­වන් සඳහා වන යුරෝ­පීය රෝහල් භූමියේ කඳ­වු­රු­ව­ලින් පලා යෑමට පල­ස්තීන ජන­තා­වට සිදුවී ඇතැයි ද එක්සත් ජාතීන්ගේ සංවි­ධා­නය වැඩි­දු­ර­ටත් ප්‍රකාශ කර ඇතැයි වාර්තා වේ.

ඊශ්‍රා­යල හමු­දාව එම නියෝ­ගය කර ඇත්තේ පසු­ගි­යදා රෆා නුව­රට එල්ල කළ දරුණු ප්‍රහා­ර­යට සිවිල් වැසි­යන් කොටු­වීම හේතු­වෙනි. පසු­ගිය වසරේ ඔක්තෝ­බර් මස 7 වැනිදා ඊශ්‍රා­ය­ලය සහ හමාස් සංවි­ධා­නය අතර යුද ගැටුම් ආර­ම්භ­වී­මෙන් පසු මේ දක්වා අවම වශ­යෙන් පල­ස්තී­නු­වන් 37,925 දෙනකු ජීවි­ත­ක්ෂ­යට පත්වී ඇතැයි ද, තවත් පුද්ග­ල­යන් 87, 141 දෙනකු තුවාල ලබා ඇතැයි ද එක්සත් ජාතීන්ගේ සංවි­ධා­නය නිවේ­ද­නය කර තිබේ.

@දිනමිණ

Please follow and like us:

Leave a Reply

Your email address will not be published. Required fields are marked *

× How can I help you?