ජාතික අධ්යාපන ආයතනයේ (NIE) නව අධ්යක්ෂ ජනරාල් මහාචාර්ය ඕ.ජී. දයාරත්න බණ්ඩා
මහරගම ජාතික අධ්යාපන ආයතනයේ (NIE) 15 වන අධ්යක්ෂ ජනරාල්වරයා ලෙස ප්රමුඛ පෙළේ විද්වතෙකු සහ ආර්ථික විද්යාඥයෙකු වන ජ්යෙෂ්ඨ මහාචාර්ය ඕ.ජී. දයාරත්න-බණ්ඩා මහතා ඊයේ (20) මහරගම පිහිටි එම ආයතන පරිශ්රයේදී නිල වශයෙන් රාජකාරි ආරම්භ කරන ලදී.
ජ්යෙෂ්ඨ මහාචාර්ය දයාරත්න-බණ්ඩා මහතා මෙරට මෙන්ම ජාත්යන්තර අධ්යාපන හා පර්යේෂණ ක්ෂේත්රයේ වසර ගණනාවක අත්දැකීම් ඇති ප්රවීණයෙකි. මෙම පත්වීමට පෙර ඔහු පේරාදෙණිය විශ්වවිද්යාලයේ ආර්ථික විද්යාව පිළිබඳ ජ්යෙෂ්ඨ මහාචාර්යවරයෙකු ලෙස කටයුතු කළ අතර, එම විශ්වවිද්යාලයේම ශාස්ත්ර පීඨයේ පීඨාධිපති (2015-2021) ලෙසද සේවය කර ඇත. මීට අමතරව ඔහු ඌව වෙල්ලස්ස විශ්වවිද්යාලයේ කළමනාකරණ පීඨයේ පීඨාධිපති ලෙසද කටයුතු කර තිබේ.
සිංගප්පූරු ජාතික විශ්වවිද්යාලයෙන් (National University of Singapore) සිය ආචාර්ය උපාධිය (PhD) ලබාගත් ඒ මහතා, පේරාදෙණිය විශ්වවිද්යාලයේ මූල්ය ආර්ථික විද්යාව පිළිබඳ ප්රථම පන්තියේ ගෞරව සාමර්ථ්ය සහිත උපාධිධාරියෙකි. කැනඩාවේ වෝටර්ලූ විශ්වවිද්යාලය ඇතුළු ජාත්යන්තර විශ්වවිද්යාල කිහිපයක ආරාධිත පර්යේෂණ මහාචාර්යවරයෙකු ලෙස කටයුතු කර ඇති ඔහු, ජාත්යන්තර පිළිගැනීමට ලක්වූ පර්යේෂණ පත්රිකා සහ කෘති රැසක කතුවරයෙකි.
ව්යවහාරික සාර්ව ආර්ථික විද්යාව, ජාත්යන්තර වෙළඳාම, බැංකු හා මූල්ය සහ ආර්ථික සංවර්ධනය යන ක්ෂේත්ර කෙරෙහි විශේෂ උනන්දුවක් දක්වන මහාචාර්යවරයාගේ විද්වත් නායකත්වය, ශ්රී ලංකාවේ අධ්යාපන ප්රතිපත්ති සම්පාදනය සහ ගුරු පුහුණු කටයුතු නවීකරණය කිරීමෙහිලා විශාල දායකත්වයක් වනු ඇතැයි අපේක්ෂා කෙරේ.
Discover more from cmn.lk
Subscribe to get the latest posts sent to your email.
