සංජීව ඝාතනයේ සැකකාර නීතිඥවරිය තවදුරටත් රිමාන්ඩ්

ගණේ­මුල්ල සංජීව ඝාතන සිද්ධියේ සැක­කා­රි­යක වශ­යෙන් නම් කර ත්‍රස්ත­වා­දය වැළැ­ක්වීමේ පනත යටතේ රඳ­වා­ගෙන සිටි නීති­ඥ­ව­රිය ලබන මැයි මස 07 දක්වා රක්ෂිත බන්ධ­නා­ගා­ර­ගත කරන ලෙස කොළඹ ප්‍රධාන මහේ­ස්ත්‍රාත් අසංග එස්. බෝද­ර­ගම මහතා පසුගිය දා (27) නියෝග කළේය. රැඳ­වුම් නියෝග අව­සන් වීමෙන් අන­තු­රුව අධි­ක­ර­ණ­යට ඉදි­රි­පත් කළ නීතිඥ තමරා කුමාරි අබේ­රත්න නමැ­ත්ති­යක් වන අතර සැක­කා­රිය මෙලෙස රක්ෂිත බන්ධ­නා­ගා­ර­ගත කෙරිණි. පසු­ගිය 2025 වසරේ ඔක්තෝ­බර් මස 28 වැනිදා රාත්‍රී කඩ­වත ප්‍රදේ­ශ­යේදී අප­රාධ පරී­ක්ෂණ දෙපා­ර්ත­මේ­න්තුව විසින් අත්අ­ඩං­ගු­වට ගත් බවත්, රඳවා ප්‍රශ්න කළ බවත් අප­රාධ පරී­ක්ෂණ දෙපා­ර්ත­මේ­න්තුව වැඩි­දුර වාර්තා­වක් ඉදි­රි­පත් කර­මින් අධි­ක­ර­ණ­යට දන්වා සිටි­යේය.

පසු­ගිය 2025 පෙබ­ර­වාරි 19 වන දින නඩු කට­යු­ත්තක් සඳහා අලු­ත්කඩේ අධි­ක­ර­ණ­යට බන්ධ­නා­ගාර නිල­ධා­රීන් විසින් රැගෙන ආ ගණේ­මුල්ල සංජීව එම අධි­ක­රණ සංකී­ර්ණයේ අංක 05 අධි­ක­ර­ණයේ විත්ති­කූ­ඩුව තුළදී වෙඩි තබා ඝාත­නය කිරීමේ සිද්ධි­යට අදා­ළව සැක­කා­රි­ය­ගෙන් සිදු කරන ලද ප්‍රශ්න කිරී­මෙන් පසු තවත් ප්‍රකාශ ගණ­නා­වක් ලබා ගත් බවත් ඒවාට අදා­ළව විම­ර්ශන කරන බවත් අප­රාධ පරී­ක්ෂණ දෙපා­ර්ත­මේ­න්තුව අධි­ක­ර­ණ­යට දන්වා සිටි­යේය.

@දිනමිණ