ට්‍රම්ප් හා ෂී ජින්පින් හමුව කුමක් සදහා ද?

ඇමරිකානු එක්සත් ජනපද ජනාධිපති ඩොනල්ඩ් ට්‍රම්ප් විසින් මැයි 13 සිට 15 දක්වා සිදු කරන චීන සංචාරය චීන විදේශ අමාත්‍යංශය විසින් මේ වන විට තහවුරු කරනු ලැබ ඇත. මෙම සංචාරයේදී ට්‍රම්ප් නැවත බලයට පත්වීමෙන් පසු දෙවන වරටත් තම සහචරයා වන ෂී ජින්පිං හමුවීමට නියමිත අතර එහිදී ඉරාන අර්බුධය, තායිවානය, AI තාක්ෂනය හා දුර්ලභ ඛණිජ සම්පත් අපනයනය සම්බන්ධව සාකච්චා කිරීමට නියමිතව ඇත. කෙසේ වෙතත් ඩොනල්ඩ් ට්‍රම්ප් බීජිං සංචාරයේදී ඉරානයට එරෙහිව ෂී ජින්පිං මගින් “පීඩනය”ක් සිදු කිරීමට උත්සාහ කරනු ඇතැයි විදේශ මාධ්‍ය පෙන්වා දේ.

 කෙසේවෙතත්  ඔවුන්ගේ “ඉතාමත සංකේතාත්මක” රැස්වීම තුලදී ප්‍රධාන වශයෙන් අරමුණු කරනු ඇත්තේ සුපිරි බලවතුන් දෙදෙනා අතර හට ගෙන ඇති වෙළඳ ආතතීන් ලිහිල් කිරීම බව දෙරටේ රාජතාන්ත්‍රික අංශ පවසා සිටි. ධවල මන්දිරයට නැවත පැමිණීමෙන් පසු රිපබ්ලිකන් පක්ෂයේ පළමු චීන සංචාරය උත්කර්ෂවත් හා උත්සවශ්‍රීයෙන් සනිටුහන් වන අතර, එයට චීනයේ ප්‍රසිද්ධ ස්වර්ග විහාරය නැරඹීම සහ සුඛෝපභෝගී රාජ්‍ය භෝජන සංග්‍රහයක් ද ඇතුළත් බව ධවල මන්දිරය නිවේදනය කළේය.

ඒ අනුව ලොව විශාලතම ආර්ථිකයන් දෙකෙහි නායකයින් තීරුබදු, තායිවානය, AI තරඟය සහ තීරණාත්මක ඛනිජ ඇතුළු මාතෘකා ගණනාවක් සාකච්ඡා කරනු ඇත.

“මෙය සැලකිය යුතු සංකේතාත්මක වැදගත්කමක් ඇති සංචාරයක් වනු ඇත. නමුත් ඇත්ත වශයෙන්ම, ජනාධිපති ට්‍රම්ප් කිසි විටෙකත් සංකේතාත්මක හේතූන් මත පමණක් ගමන් නොකරයි. ජනාධිපතිවරයා තවමත් සාර්ථක රාජතාන්ත්‍රික ගනුදෙනු සිදු කරනු ඇතැයි ඇමරිකානු ජනතාවට අපේක්ෂා කළ හැකිය. ඩොනල්ඩ් ට්‍රම්ප්ගේ අරමුණ වනුයේ චීනය සමඟ සම්බන්ධතාවය නැවත සමතුලිත කිරීම සහ ඇමරිකානු ආර්ථික ස්වාධීනත්වය යථා තත්ත්වයට පත් කිරීම සඳහා අන්‍යෝන්‍යභාවය සහ සාධාරණත්වයට ප්‍රමුඛත්වය දීම” බව එක්සත් ජනපද පරිපාලනයේ නියෝජ්‍ය මාධ්‍ය ලේකම් ඇනා කෙලී මාධ්‍ය වෙත පවසා සිටියාය.

මෙම සංචාරය සඳහා එක්සත් ජනපද ජනාධිපතිවරයා බදාදා සවස බීජිං වෙත පැමිණෙනු ඇත, එය සිකුරාදා දක්වා පවතිනු ඇත. මෙම හමුව මුලින් මාර්තු මාසයේදී පැවැත්වීමට නියමිතව තිබූ නමුත් ඉරානයේ ගැටුම පුපුරා යාම හේතුවෙන් කල් දමන ලදී. ෂී ජින්පින් සමඟ පිළිගැනීමේ උත්සවයක් සහ ද්විපාර්ශ්වික හමුවක් බ්‍රහස්පතින්දා උදෑසන පැවැත්වෙන අතර, පසුව බ්‍රහස්පතින්දා දහවල් චීනයේ ස්වර්ග විහාරයට ගොස් පසුව එදිනම සවස රාජ්‍ය භෝජන සංග්‍රහය පැවැත්වේ.

ඉරානයේ එක්සත් ජනපද-ඊශ්‍රායල් ප්‍රහාර හේතුවෙන් ඇති වූ මැද පෙරදිග ගැටුම අවසන් කිරීමට ඔහු උත්සාහ කරන අතරතුර, ඒ සඳහා ඩොනල්ඩ් ට්‍රම්ප් ටෙහෙරානයේ මිත්‍රයෙකු වන ෂී ජින්පින්ට උදව් කරන ලෙස බලපෑම් කිරීමට ට්‍රම්ප් උත්සාහ කරනු ඇත. එක්සත් ජනපද ජනාධිපතිවරයා මෙහිදී චීනය ඉරානයෙන් තෙල් මිලදී ගැනීම් මෙන්ම ද්විත්ව භාවිත භාණ්ඩ අලෙවිය හරහා ඉරානයට සහ රුසියාවට ලබා දෙන ආදායම පිළිබඳ ගැටළුව ද සාකච්චාවට භාජනය කරනු ඇත. ඉරාන-ඉරාක යුද්ධයට අදාළව චීනයට එරෙහිව මෑතකදී එක්සත් ජනපදය පැනවූ සම්බාධක පිළිබඳ ගැටළුව ද විසඳනු ඇතැයි ද එක්සත් ජනපද ආරංචි මාර්ග සඳහන් කරයි.

දෙපාර්ශ්වයටම අවශ්‍ය වන්නේ ස්ථාවරත්වය වන අතර එක්සත් ජනපද සහ චීන ජනාධිපතිවරුන් ද්විපාර්ශ්වික “වෙළඳ කමිටුවක්” නිර්මාණය කිරීමට අපේක්ෂා කරන අතර කෘෂිකාර්මික නිෂ්පාදන මිලදී ගැනීම, ගුවන් යානා මිලදී ගැනීම වැනි වෙළඳාමේ අන්‍යෝන්‍ය උනන්දුවක් දක්වන ක්ෂේත්‍ර” හඳුනා ගැනීම මෙම ආයතනයට පැවරෙනු ඇතැයි එක්සත් ජනපද නිලධාරියෙක් විදේශ මාධ්‍ය වෙත පවසා සිටියේය. වොෂින්ටනයේ  ප්‍රධාන ආධාරකරුවෙකු සහ ආයුධ සැපයුම්කරුවෙකු වන සහ බීජිං ස්වෛරීභාවය ප්‍රකාශ කරන තායිවානයේ ගැටලුව ද මෙහිදී විසඳනු ඇතැයි අපේක්ෂා කෙරේ.

ඩොනල්ඩ් ට්‍රම්ප් සහ ෂී ජින්පින් තායිවානය සම්බන්ධයෙන් “අඛණ්ඩ සංවාදයක්” පවත්වමින් සිටි” යයි එක්සත් ජනපද විදේශ අමාත්‍යංශ ප්‍රකාශකයා තව දුරටත් පවසා සිටියේය.

@Lankatruth.com