රුපියල් බිලියන 4.506ක් වතු කම්කරුවන්ගේ අයිතිවාසිකම් වෙනුවෙන් වෙන් කෙරේ
වසර ගණනාවක් පුරා විසඳුමක් නොලැබී පැවති වැවිලි සහ ප්රජා යටිතල පහසුකම් අමාත්යාංශයට අනුබද්ධ රාජ්ය වැවිලි ආයතනවල සේවකයින්ගේ හිඟ ව්යවස්ථාපිත දීමනා ගැටලුවට වත්මන් රජය විසින් ඓතිහාසික විසඳුමක් ලබාදෙමින්, රුපියල් මිලියන 4,506ක (රුපියල් බිලියන 4.5) මුදලක් ඒ සඳහා වෙන් කිරීමට කටයුතු කර තිබේ.
එහි සමාරම්භක පියවර ලෙස, හිඟ පාරිතෝෂික දීමනා ගෙවීමේ වැඩසටහන ඊයේ (10) මහනුවර දිස්ත්රික් ලේකම් කාර්යාලයේදී පැවැත්වුණු අතර, සංකේතාත්මකව සේවකයින් 303 දෙනෙකු වෙත හිඟ පාරිතෝෂික මුදල් සඳහා අදාළ චෙක්පත් ප්රදානය කෙරිණි.
ඒ අනුව, ශ්රී ලංකා රාජ්ය වැවිලි සංස්ථාවේ(SLSPC) සේවකයින් 164 දෙනෙකුට, ජනතා වතු සංවර්ධන මණ්ඩලයේ(JEDB) සේවකයින් 87 දෙනෙකුට සහ ඇල්කඩුව වැවිලි සමාගම (EPL)සේවකයින් 52 දෙනෙකුට වශයෙන් සමස්ත සේවකයින් 303 දෙනෙකු වෙත ඊයේ දින සංකේතාත්මකව චෙක්පත් ප්රදානය කරන ලදී.
වැවිලි සහ ප්රජා යටිතල පහසුකම් අමාත්යාංශයට අනුබද්ධ ශ්රී ලංකා රාජ්ය වැවිලි සංස්ථාව (SLSPC), ජනතා වතු සංවර්ධන මණ්ඩලය (JEDB) සහ සීමාසහිත ඇල්කඩුව වැවිලි සමාගම (EPL) යන රාජ්ය වැවිලි ආයතනවල පෙර පැවති මූල්ය දුෂ්කරතා හේතුවෙන්, සේවකයින්ට හිමි ව්යවස්ථාපිත දීමනා වසර ගණනාවක් පුරා නොගෙවා ඇති අතර, මෙම ගැටලුවට විසඳුමක් ලබාදීම සඳහා වැවිලි සහ ප්රජා යටිතල පහසුකම් අමාත්ය සමන්ත විද්යාරත්න මහතාගේ මූලික මැදිහත්වීමෙන් 2025.03.05 දින අමාත්ය මණ්ඩල සංදේශයක් ඉදිරිපත් කරනු ලැබූ අතර, ඒ සඳහා අමාත්ය මණ්ඩලයේ අනුමැතිය හිමිවිය. ඉන් අනතුරුව අදාළ හිඟ ව්යවස්ථාපිත දීමනා පියවීම සඳහා මහා භාණ්ඩාගාරයෙන් අවශ්ය මූල්ය ප්රතිපාදන ලබාදීමට තීරණය කෙරිණි.
ඒ අනුව, ශ්රී ලංකා රාජ්ය වැවිලි සංස්ථාව සඳහා රුපියල් මිලියන 1,961ක්, ජනතා වතු සංවර්ධන මණ්ඩලය සඳහා රුපියල් මිලියන 2,043ක් සහ සීමාසහිත ඇල්කඩුව වැවිලි සමාගම සඳහා රුපියල් මිලියන 503ක් වශයෙන්, සමස්ත රුපියල් මිලියන 4,506ක මුදලක් හිඟ ව්යවස්ථාපිත දීමනා පියවීම සඳහා අනුමත කර ඇත.
මෙය මෙරට ආර්ථිකය ගොඩනැගීම සඳහා පරම්පරා ගණනාවක් පුරා සිය ශ්රමය සහ දහඩිය කැප කළ වතු ජනතාවගේ අයිතිවාසිකම් වෙනුවෙන් රාජ්යයක් ලෙස ඉටු කරන වගකීමකි. මෙමගින් කම්කරුවාගේ ශ්රමයට වටිනාකමක් ලබාදීමත්, ඔහුගේ හෝ ඇයගේ අයිතිවාසිකම් ආරක්ෂා කිරීමත්, ගෞරවාන්විත ජීවිතයක් සඳහා අවශ්ය ආර්ථික සුරක්ෂිතභාවය ගොඩනැගීමත් අරමුණු කරගත් ප්රතිපත්තිමය තීරණයකි.
“පොහොසත් රටක් – ලස්සන ජීවිතයක්” යන වත්මන් රජයේ ප්රතිපත්තිය හුදෙක් සටන් පාඨයක් නොව, රට ගොඩනැගූ කම්කරු ජනතාවගේ ජීවිතවල සැබෑ වෙනසක් ඇති කිරීම සඳහා ක්රියාත්මක වන වැඩපිළිවෙළකි.
එම අවස්ථාව සඳහා වැවිලි සහ ප්රජා යටිතල පහසුකම් අමාත්ය සමන්ත විද්යාරත්න මහතා, කම්කරු අමාත්ය අනිල් ජයන්ත ප්රනාන්දු මහතා, වැවිලි සහ ප්රජා යටිතල පහසුකම් නියෝජ්ය අමාත්ය සුන්දරලිංගම් ප්රදීප් මහතා , නුවර දිස්ත්රික් පාර්ලිමේන්තු මන්ත්රීන් වන ඊ.එම්. බස්නායක මහතා, නීතිඥ තුෂාරි ජයසිංහ මහත්මිය, රියාස් ෆාරුක් මහතා ඇතුළු දේශපාලන අධිකාරිය, වැවිලි සහ ප්රජා යටිතල පහසුකම් අමාත්යාංශ ලේකම්, කම්කරු අමාත්යාංශ ලේකම්,මහනුවර දිස්ත්රික් ලේකම් ඇතුල රාජ්ය නිළධාරින්, ශ්රී ලංකා රාජ්ය වැවිලි සංස්ථාවේ සභාපතිතුමා, ජනතා වතු සංවර්ධන මණ්ඩලයේ සභාපතිතුමා, සීමාසහිත ඇල්කඩුව වැවිලි සමාගමේ සභාපතිතුමා ඇතුලු එම ආයතනයන් හි නිළධාරින් සහ ප්රතිලාභි ජනතාවද එක් විය.
@දිනමිණ
Discover more from cmn.lk
Subscribe to get the latest posts sent to your email.
