ජන රජයට ජන බලයක් – ජාතික ජන බලවේගයේ මැයි දින සැමරුම් 21ක්

ජාතික ජන බලවේගය විසින් පවත්වන ලද විශේෂ මාධ්‍ය හමුවක් අද (29) පැලවත්ත කාර්යාලයේදී පැවැත්වුණා. එම මාධ්‍ය හමුවට ජවිපෙ ප්‍රධාන ලේකම් ටිල්වින් සිල්වා, ළමා හා කාන්තා කටයුතු අමාත්‍ය සරෝජා සාවිත‍්‍රි පෝල්රාජ් මෙන්ම ජාතික ජන බලවේගයේ ප‍්‍රධාන ලේකම් වෛද්‍ය නිහාල් අබේසිංහ යන මහත්ම මහත්මීන් එක්ව සිටියා.

එහිදී අදහස් දැක්වූ ටිල්වින් සිල්වා මහතා,
අපි කාගේත් ප‍්‍රාර්ථනාව අයුක්තිය, අසාධාරණය නැති ලෝකයක යුද බියෙන් තොර මිනිසුන්ගේ මූලික අයිතිවාසිකම් සම්පූර්ණ කර ගත හැකි සමාජයක් නිර්මාණය කර ගැනීමයි. ඒ වෙනුවෙන් ජනතාව අරගල කරමින් ඉන්නවා. වැඩකරන ජනතාව ප‍්‍රමුඛ ජනතාවට වඩා යහපත් ලෝකයක් නිර්මාණය කර ගැනීමේ අරගලය අඛණ්ඩව ගෙනයමින් සිටිනවා. අපි මෙවරත් මැයි දිනය සමරන්නේ මාලිමාවේ ආණ්ඩුව යටතේ. පසුගිය වසරේ අපි කොළඹ ගෝල්ෆේස් පිටියේ ලක්ෂ ගණනක විශාල සෙනඟක් සමග මැයි දිනය සැමරුවා. මේ සැරෙත් කොළඹ සහ තවත් පළාත් දෙකක පමණ විශාල මැයි දින සැමරීම් කරන්න කල්පනා කළා. නමුත් මැදපෙරදිග යුදමය තත්වය හමුවේ අපි කවුරුත් ඉන්ධන අරපිරිමැස්මෙන් කටයුතු කරන්න ඕනෑ නිසා, විමධ්‍යගත කරලා දිස්ති‍්‍රක් මට්ටමින් කරන්න සැලසුම් සකස් කළා. නුවරඑළියේදී මලයගම් ජනතාවත් සම්බන්ධ කර ගනිමින් බදුල්ල දිස්ති‍්‍රක්කයේ ජනතාවත් එකතු කර ගන්නවා. ඒ වගේම මුලතිව්වල දී යාපනය සහ මන්නාරම් දිස්ති‍්‍රක්කත් එකතුකර ගත් මැයි දිනයක් පවත්වනවා. තරුණයන් කාන්තාවන් සහ ප‍්‍රගතිශීලී බලවේගය එක්කර ගත් දැවැන්ත මැයි රැලි 21ක් රට පුරා සූදානම් කර තිබෙනවා.
අපේ රටේ ඉතිහාසයේ දේශපාලන ව්‍යාපාරයක් දිස්ති‍්‍රක් 21ක් පුරා දැවැන්ත මැයි රැලි පවත්වන පළමු අවස්ථාව මේක. එක දවසක මැයි රැලි 21ක් පැවැත්වීම අපේ රටේ ඉතිහාසයේ වාර්තාවක් බවට පත්වෙයි කියලා අපි විශ්වාස කරනවා. මාලිමාවේ ආණ්ඩුව කියන්නේ අපේ රටේ පොදු ජනතාවගේ ආණ්ඩුවයි. ප‍්‍රභූ පැළැන්තියේ පක්ෂ සියල්ල පරාජය කර, පිහිටුවා ගත් පොදු ජනතාවගේ ආණ්ඩුව වැඩකරන ජනතාව ප‍්‍රමුඛ පීඩිත ජනතාවට විශාල සහන ප‍්‍රමාණයක් ලබා දුන්නා. වැඩකරන ජනතාවගේ ඉල්ලීමක් නැතිව තිබියෙදී විශාල වශයෙන් මූලික වැටුප වැඩි කළා. රාජ්‍ය සේවයේ පුරප්පාඩු සියල්ල සම්පූර්ණ කරමින් යනවා. මලයගම් ජනතාවගේ වැටුප් වැඩි කරන්න රජයෙන් දවසකට රුපියල් 200ක් ලබා දී සමාගම්වලින් රුපියල් 200ක් වශයෙන් රුපියල් 400කින් වැටුප් වැඩි කළා. එතෙක් අපේ රටේ තිබුණු දේශපාලන සංස්කෘතිය වෙනස් කරමින් රාජ්‍ය මට්ටමෙන් සිදුකළ වංචා, දූෂණවලට තිත තැබීමේ දේශපාලන නායකත්වය ලබා දී හිටපු ජනාධිපතිවරු සහ මන්තී‍්‍රවරුන්ට ලබා දී තිබූ අමතර වරප‍්‍රසාද නතර කළා. මහජන මුදල් පාලකයන්ගේ අරමුණු වෙනුවෙන් යොදා ගැනීම නතර කර, මහජනතාවගේ අවශ්‍යතා වෙනුවෙන් යොදවමින් සිටිනවා. ඒ ගොල්ලන් හැමදාම කළේ මහජනතාවගේ මුදල් යොදවා තීරු බදු රහිත වාහන ගැනීම, සුඛෝපභෝගී නිවාස ගැනීම ඇතුළු වරප‍්‍රසාද ලබා ගැනීමයි. අපි මන්තී‍්‍ර විශ‍්‍රාම වැටුප පවා අහෝසි කර, අමාරුවෙන් ජීවත් වෙන ජනතාවට සහන සලසන්න යොදවා මහජන ආණ්ඩුවක් ලෙස කි‍්‍රයාකරමින් සිටිනවා. අපි කතා කරන මේ මොහොතේත් රාජ්‍ය ආයතන සහ අර්ධ රාජ්‍ය ආයතනවල සිටින අනියම් සහ කොන්ත‍්‍රාත් පදනමේ සේවකයන් ස්ථිර කරන්න කැබිනට් අනුමැතිය ලබාගෙන තිබෙනවා.
වැඩකරන ජනතාව සම්බන්ධ කර ගත් පොදු ජනතාවගේ ආණ්ඩුවක් හැටියට කි‍්‍රයාකරමින් සිටින අතර විපක්ෂය ඡුන්දවලින් පරාදවීමෙන් පාඩම් ඉගෙන නොගෙන, ඔවුන්ගේ හැසිරීම් වෙනස් කර නොගෙන පවත්වාගෙන යනවා. අලූත් ජනතාවක්, අලූත් සමාජයක් ඉල්ලන ආකාරයට වෙනස් නොවී ඔවුන්ට අහිමි වූ දැවැන්ත වරප‍්‍රසාද සහ ප‍්‍රභූ පාලනය අහිමි වීමේ වේදනාවෙන් ජනතාව නොමග යැවීමට උත්සාහ කරමින් ඉන්නවා. විපක්ෂය මේ විදිහට ජනතාවගේ ආණ්ඩුවට බාධාකරමින් ඉන්න වෙලාවක ජන බලය තිබෙන්නේ කොතනද යන්න රටට සහ ලෝකයට පැහැදිලි කරන්න මැයි දිනය අවස්ථාවක් කර ගන්නවා. ආණ්ඩුව දිත්වා සුළි කුණාටුව සහ මැදපෙරදිග යුද්ධය වැනි අවස්ථාවල ඉතා හොඳින් අර්බුදය කළමනාකරණය කරගෙන ජන ජීවිතය යථාතත්වයෙන් පවත්වාගෙන යනවා. වංචා, දූෂණ නතර කර, ආර්ථිකය හොඳින් කළමනාකරණය කර ගනිමින් ඩොලර් බිලියන පහකට වැඩි විදේශ ණය ගෙවමින් ආර්ථිකය ස්ථාවර කර ගනිමින් ප‍්‍රතිලාභ ජනතාවට ලබා දෙමින් සිටිනවා. මාලිමා ආණ්ඩුවත් ඔවුන් වගේම වංචා, දූෂණ සිදුකරන ආණ්ඩුවක් බව පෙන්වීමට විපක්ෂය අසාර්ථක ප‍්‍රචාර ගෙනයමින් සිටිනවා. ඒ වගේම මහජන අරගල සහ උද්ඝෝෂණ කියන්නේ මොනවාද කියලා තේරුම් නොගත් ඔවුන් පස්, හයදෙනා එකතු වී මන්ද මානසිකත්වයෙන් කි‍්‍රයාකරන ආකරය දකිනවා. අපේ රටේ ජනතාව මේවාට රැවටෙන්නේ නැහැ. බංකොලොත් කර තිබූ රටක ආණ්ඩුවක් අරගෙන ආර්ථිකය ස්ථාවර කර ගනිමින් ලංකාව ලෝකය ඉදිරියේ ගෞරවණීය රාජ්‍යයක් ලෙස ගොඩනගමින් යන අතර, ඔවුන් මජර දේශපාලනය ගේන්න උත්සාහ කරමින් සිටිනවා.
ඒ නිසා අපි මෙවර මැයි දිනයට ”ජන රජයට ජන බලයක් ” තේමාවෙන් අපේ ජන බලය පෙන්වීමේ මැයි රැලි 21ක් පවත්වනවා. හැමදාමත් වගේ ඉතාමත් විනය ගරුකව, සංවිධානාත්මකව, අපේ පක්ෂයේ නායකයන්ගේ සහභාගිත්වයෙන් මේ රැලි පවත්වනවා. ජනාධිපති අනුර කුමාර සහෝදරයා නුවරඑළියේ මැයි රැලියට සහභාගී වෙනවා. ජාතික ජන බලවේගයේ අනෙකුත් නායකයන් දිස්ති‍්‍රක් මට්ටමේ රැලිවලට සහභාගී වෙනවා. ඒ තුළින් ජනතාවගේ බලය තිබෙන්නේ කොතනද කියලා සුන්බුන් විපක්ෂයටත් අපේ රට විනාශ කරන්න බලාගෙන ඉන්න සතුරු බලවේගවලටත් පෙන්වා දෙන්න සාර්ථක මැයි දිනයක් පවත්වනවා. රට ගොඩනැගීමට කැමති ඒ වෙනුවෙන් කැපකිරීම් කළ හැකි ප‍්‍රගතිශීලී සියලූම ජනතාවගෙන් ජාතික ජන බලවේගයේ මැයි රැලිවලට සහභාගී වන ලෙස ඉල්ලා සිටිනවා.

ළමා හා කාන්තා කටයුතු අමාත්‍ය සරෝජා සාවිත‍්‍රි පෝල්රාජ් මහත්මිය,

මේ මැයි දිනයේදී කාන්තවන්ට ලොකු වගකීමක් පැවරී තිබෙනවා. ලංකාව පුරා පැවැත්වෙන මැයි දින රැලිවලට සිංහල, දෙමළ, මුස්ලිම්, බර්ගර්, මැලේ සියලූම ජන කොටස්වල කාන්තාවන්ට එකතු වෙන ලෙස ආරාධනා කරනවා. අපේ රජය බලයට පත්වී ගෙවී ගිය කාලය තුළ ජාතික සමගිය ගොඩනැගීමට, ආර්ථිකය ගොඩනැගීමට උපරිම මැදිහත්වීම් කළ රජයක්. වතු කම්කරු ජනතාවට වැටුප් වැඩිකර ළදරු පාසලේ සිට විශ්වවිද්‍යාල ශිෂ්‍යයන් දක්වා අධ්‍යාපන කටයුතු වෙනුවෙන් ආධාර ලබාදී ඇඟලූම් කම්හල්වල වැඩකරන සහෝදර සහෝදරියන්ගේ සිට සියලූම ක්ෂේත‍්‍රවල සහෝදර සහෝදරියන්ගේ ආර්ථික සුරක්ෂිතතාවය තහවුරු කරන්න කටයුතු කරමින් සිටින ආණ්ඩුවක් හැටියට අපි මැයි දිනය සමරනවා. ජනතාවගේ ආණ්ඩුව රැකගන්න ජනතාවගේ මැදිහත්වීම තහවුරු කරමින් ඉදිරියට යාම පිළිබඳව අධිෂ්ඨානයක් මේ මැයි දිනයෙන් ලබා ගන්නවා. ලෝකයේ යුදමය තත්වයක් තුළ ඉන්ධන හිඟය ජාතික ආර්ථිකයට සුළු වශයෙන් හෝ බලපෑමකට ඉඩ නොදී කළමනාකරණය කර ගන්න සහ එහි ප‍්‍රතිලාභ ජනතාවට ලබා දෙන්න අපි සමත්වී සිටිනවා. විපක්ෂය ප‍්‍රමුඛ යම්කිසි පිරිසකට මේ ආණ්ඩුව වට්ටන්න තිබෙන ඕනෑකම පරාජය කරන්න අපි සියලූම දෙනා ඒකරාශී වෙන්න ඕනෑ. ජනතාවාදී ආණ්ඩුවේ ජනතා මැයි දිනය එක්ක අපි සියලූම දෙනා එකතු වෙමු, කියන ආරාධනය කරනවා.

ජාතික ජන බලවේගයේ ප‍්‍රධාන ලේකම් වෛද්‍ය නිහාල් අබේසිංහ මහතා,

මුළු ජාත්‍යන්තරයේම ජනතාව තම අයිතිවාසිකම් දිනා ගැනීම, ආරක්ෂා කර ගැනීම වෙනුවෙන් සටන් මුවහත් කරන දිනය මැයි පළමුවැනිදායි. වාමාංශික දේශපාලන පක්ෂ අපේ ඉතිහාසයේ මැයි දිනය ඉහළින්ම සැමරුවා. එයිනුත් 1965 බිහිවූ ජනතා විමුක්ති පෙරමුණ ආකර්ෂණීයම මැයි පෙළපාළි පැවැත්වූවා. මැයි දින පෙළපාළි සහ රැලි පිළිබඳ මගේ මතකය 1978 දක්වා දිව යනවා. එතැන් සිට 2024දී ජනතා විමුක්ති පෙරමුණ ප‍්‍රමුඛ ජාතික ජන බලවේගය හැටියට ප‍්‍රගතිශීලී කණ්ඩායම් එකතු කර ගෙන ආණ්ඩු බලය පිහිටුවා 2025දී දැවැන් මැයි රැලියක් ගෝල්ෆේස් පිටියේ පැවැත්වූවා. මෙවර උතුර, නැගෙනහිර, දකුණ, බටහිර සියලූ දිශාවන් ආවරණය කරමින් රට පුරා වැඩකරන ජනතාවගේ සහ ප‍්‍රගතිශීලී ජනතාවගේ රැලි 21ක් පවත්වනවා. පොදු ජනතාවගේ ශක්තිමත් ආණ්ඩුවක් පිහිටුවා අභ්‍යන්තරව දිත්වා සුළි කුණාටුව සහ බාහිරව මැදපෙරදිග යුද්ධය වැනි අභියෝග අභිබවා ජාත්‍යන්තර විශ්වාසය දිනාගෙන රට ඉදිරියටම මෙහෙයවමින් සිටින අතර, මෙවර මැයි දිනය පවත්වනවා. ආණ්ඩුවක් හැටියටත්, දේශපාලන ව්‍යාපාරයක් හැටියටත් වැඩකරන ජනතාවගේ දිනාගත් අයිතිවාසිකම් ආරක්ෂා කරමින් සටන් නොකරම අයිතිවාසිකම් ලබා දෙන කි‍්‍රයාමාර්ග ඉදිරියට ගෙන යමින් සිටිනවා. වැඩකරන ජනතාවගේ අයිතිවාසිකම් පිළිබඳව හාම්පුතුන් සමග සාකච්ඡුා කරමින් සාධාරණ අයිතිවාසිකම් ලබා දෙන්න උපරිම මැදිහත් වීම් සිදුකරනවා.

ශ‍්‍රමිකයන්ගේ සහ අඩු ආදායම්ලාභීන්ගේ ජීවන තත්වය උසස් කිරීමේ වගකීමක් අපට තිබෙනවා. ඒ වෙනුවෙන් සැලසුම් සහගත කි‍්‍රයාමාර්ග දියත් කරමින් සිටින අතර, විපක්ෂය එදිනෙකා සිදුවීම් අල්ලාගෙන විකෘති කරමින් ඝෝෂා නගනවා. ජනතාවගේ අයිතීන් දිනා දීමට අපි එකාවන්ව වැඩකරමින් සිටිනවා. මේ වන විටත් දිනාගෙන ඇති අයිතිවාසිකම් ආරක්ෂා කර දෙමින් සිටින අතර ආණ්ඩුකරණයේ අභියෝගාත්මක කටයුතුවලට හොඳින් මුහුණ දෙමින් සිටිනවා. රාජ්‍ය සේවයේ මිලියන 1.3ක පිරිස හොඳින් සම්බන්ධීකරණය කරමින් ජනතාවගේ අරමුණු ඉටුකර දීමට කටයුතු කරනවා. මේ වන විටත් විවිධ ජයග‍්‍රහණ රැසක් රටට ලබාදී තිබෙනවා. පසුගිය දිනවල නිකුත් වූ මහ බැංකු වාර්තාවට අනුව අපේ රටේ ඒක පුද්ගල ආදායම ඩොලර් 5000 සීමාව ඉක්මවා ගොස් තිබෙනවා. රාජ්‍ය ණය කළමනාකරණ කාර්යාලය ආසියා පැසිෆික් කලාපයේ හොඳම කාර්යාලය බවට සම්මානනීය වී තිබෙනවා. මේ වැඩකොටස තවදුරටත් ශක්තිමත්ව ඉදිරියට ගෙන යන්න ”ජන රජයට ජන බලයක්” තේමාවෙන් මැයි පෙළපාළි රැලි 21ක් රට පුරා පවත්වනවා. මේ මැයි පෙළපාළි සහ රැලි සමග දස දහස් ගණනින් සහභාගී වන ලෙස අපි ජනතාවට ආරාධනා කරනවා.

මාධ්‍යවේදීන් නැගූ ප‍්‍රශ්නවලට පිළිතුරු

ප‍්‍රශ්නය:
ජාතික ජන බලවේගයේ ආණ්ඩුවට වැඩ කරන ජනතාවගෙන් ලබා දෙන ශක්තිය පිළිබඳව මොනවගේ තක්සේරුවක් ද තිබෙන්නේ.

පිළිතුර:
පසුගිය කාලයේ අපි වැඩකරන ජනතාවගේ ඉල්ලීම් විශාල ප‍්‍රමාණයක් ලබා දී තිබෙනවා වගේම විශේෂයෙන්ම වැටුප් ඉල්ලීම් ඉදිරිපත් කරන්නේත් නැතිව මූලික වැටුප් ඉහළ දැමූ එකම ආණ්ඩුව ජාතික ජන බලවේගයේ ආණ්ඩුවයි. ඒ වගේම අනෙකුත් අයිතිවාසිකම් ලබා දෙමින් සිටින අතර වැඩකරන ජනතාව ප‍්‍රමුඛ ජනතාවගේ ප‍්‍රශ්න විසඳන එක අපේ ආණ්ඩුවේ මූලික වගකීමක් ලෙස සලකා කි‍්‍රයා කරනවා. රටට තිබෙන ශක්ති ප‍්‍රමාණයෙන් ගැටලූ විසඳමින් යනවා. ඒ නිසා වැඩකරන ජනතාව අපේ ආණ්ඩුව කෙරෙහි හොඳ බැඳීමකින් සිටින බවට අපට විශ්වාසයි.