පාඨ­ලීට එරෙහි නඩුවේ පළමු සාක්ෂි­ක­රු­ගෙන් සාක්ෂි විමසා අව­සන්

රාජ­ගි­රිය ප්‍රදේ­ශ­යේදී 2016 වස­රේදී රිය අන­තු­රක් සිදු­කර සාක්ෂි වසන් කිරීම ඇතුළු අධි­චෝ­දනා 4ක් යටතේ නඩු පවරා ඇති හිටපු ඇමැති පාඨලී චම්පික රණ­ව­කට එරෙහි පවරා ඇති නඩුවේ පළමු සාක්ෂි­කරු වන ගයාන් විනෝ­ද­කගේ සාක්ෂි විම­සීම ඊයේ (06දා) අව­සන් විය. මහා­ධි­ක­රණ විනි­සුරු රශ්මි සිංග­ප්පුලි මහතා ඉදි­රියේ නඩුව කැඳවූ අව­ස්ථාවේ ඇප මත මුදා­හැර සිටින පාඨලී චම්පික රණ­වක ඇතුළු විත්ති­ක­රු­වන් අධි­ක­ර­ණය ඉදි­රියේ පෙනී සිටි­යේය.

සාක්ෂි­කරු පෙරේදා (05දා) ඔහුගේ මූලික සාක්ෂිය නියෝජ්‍ය සොලි­සි­ටර් ජන­රාල් යොහාන් අබේ­වි­ක්‍රම මහ­තාගේ මෙහෙ­ය­වීම යටතේ රාජ­ගි­රියේ අන­තුර සිදු කළ වාහ­නයේ රියැ­දුරා චම්පික රණ­වක හිටපු ඇමැ­ති­ව­රයා බව කියා සිටි­යේය. තමන් ඒ සම්බ­න්ධ­යෙන් රාජ­ගි­රිය පොලී­සි­යට දුන් කට­උ­ත්ත­රය කියවා අත්සන් කිරී­මට අව­ස්ථා­වක් නොලැ­බුණු බව කියා සිටි­යේය.

අන­තු­රුව 1 හා 2 විත්ති­ක­රු­වන්ගේ නීති­ඥ­යන් හරස් ප්‍රශ්න විමසා සිටි අතර ඊයේ (06දා) 3 වැනි විත්ති­කරු වෙනු­වෙන් හරස් ප්‍රශ්න විම­සන ලදි. 2016 වසරේ පෙබ­ර­වාරි 28දා රාජ­ගි­රිය ජනා­ධි­පති විදු­හල ආසන්න මංස­න්ධි­යේදී අප­රි­ක්ෂා­කාරී ලෙස ඩබ්ලිව්.පී.කේ.ටී. -7545 දරන සුඛෝ­ප­භෝගී රිය පදවා අන­තු­රක් සිදු­කොට නොන­වත්වා ධාව­නය කිරීම සහ එම අන­තු­රෙන් සන්දීප් සම්පත් ගුණ­ව­ර්ධන නමැති තරු­ණ­යාට බර­ප­තළ තුවාල සිදු කිරීම ඇතුළු අධි­චෝ­දනා යටතේ හිටපු ඇමැති පාඨලී චම්පික රණ­ව­කට එරෙ­හිව පවරා ඇති නඩුව පවරා ඇත.

1951 අංක 14 දරන මෝටර් රථ­වා­හන ආඥා­ප­නතේ 16.1(1) සහ 161 (1), 214 යටතේ චෝදනා ගොනු­කර ඇත.

අප­රි­ක්ෂා­කාරී ලෙස රිය පැද­වීම, අධික වේග­යෙන් රථ ධාව­නය, නිසි සැල­කි­ල්ලෙන් හා ප්‍රවේ­ශ­මෙන් රිය ධාව­නය නොකි­රීම, මාර්ගය භාවිත කරන වෙනත් තැනැ­ත්තන් ගැන සැල­කි­ලි­මත් නොවීම, රිය අන­තුර පිළි­බඳ තොර­තුරු ආසන්න පොලී­සි­යට දැනුම් නොදීම ඇතුළු චෝදනා යටතේ විත්ති­ක­රුට එරෙ­හිව නඩු පවරා තිබේ.

හිටපු ඇමැති පාඨලී චම්පික රණ­වක, වැලි­කඩ පොලී­සියේ ස්ථානා­ධි­ප­ති­ව­රයා ලෙස රාජ­කාරි කළ සහ­කාර පොලිස් අධි­කාරි සුදත් අස්ම­ඩල, රියැ­දුරා ලෙස පෙනී සිටි දිලුම් තුසිත කුමාර යන විත්ති­ක­රු­වන්ට එරෙ­හිව තවත් නඩු­වක් පවරා ඇත.

@දිනමිණ