ට්රම්ප් අනතුරු අඟවයි – ඉරානය පහර දෙයි
ඉරානය නව ගිවිසුමකට එළඹීම සම්බන්ධයෙන් අනවශ්ය ලෙස කාලය ප්රමාද කර ඇති බවත්, ඒ සඳහා එරටට වන්දි ගෙවීමට සිදුවනු ඇති බවත් ඩොනල්ඩ් ට්රම්ප් ප්රකාශ කර තිබේ.
ඉරානය සහ අමෙරිකාව අතර කලාපය තුළ අඛණ්ඩව ප්රහාර හුවමාරු වන පසුබිමක, සාකච්ඡා ඉදිරියට ගෙන යාමේ උත්සාහයන් මධ්යයේ ට්රම්ප් මෙම අනතුරු ඇඟවීම සිදුකර ඇත.
සිය සමාජ මාධ්ය ගිණුම ඔස්සේ අදහස් දක්වමින් ඔහු සඳහන් කර ඇත්තේ, ඉරානයට ඉතා වාසිදායක විය හැකිව තිබූ ගිවිසුමකට එළඹීමට අධික කාලයක් ගත වූ බවත්, එහි ප්රතිවිපාක දැන් භාර ගැනීමට සිදුවනු ඇති බවත්ය.
මේ අතර, හෝමූස් සමුද්ර සන්ධිය ආශ්රිතව අමෙරිකාව සිදුකළ ප්රහාරවලට ප්රතිචාර ලෙස ඉරානය විසින් ජෝර්දාන්, කුවේට් සහ බහරේන් හි පිහිටි අමෙරිකානු හමුදා කඳවුරු ඉලක්ක කර ප්රහාර එල්ල කර තිබූ බව වාර්තා වේ.
එම සිදුවීම් පිළිබඳව අදහස් දක්වමින් ට්රම්ප් වැඩිදුරටත් අවධාරණය කර ඇත්තේ, ඉරානයට තවමත් සාකච්ඡා මාර්ගයෙන් විසඳුමකට පැමිණීමේ අවස්ථාවක් පවතින නමුත්, ප්රගතියේ මන්දගාමී බව හේතුවෙන් අමෙරිකාව තවත් ක්රියාමාර්ග ගැනීමට පෙළඹිය හැකි බවයි.
@දිනමිණ
Discover more from cmn.lk
Subscribe to get the latest posts sent to your email.
