ආරක්ෂක මාණ්ඩලික ප්‍රධානී තනතුර අවසන්

ආර­ක්ෂක මාණ්ඩ­ලික ප්‍රධානී (ඉවත් කිරීමේ) පනත් කෙටු­ම්පත ඊයේ (09) පාර්ලි­මේ­න්තු­වේදී සම්මත විය.
අදාළ පනත් කෙටු­ම්පතේ දෙවැ­නි­වර කිය­වීමේ විවා­දය ඊයේ පෙර­වරු 11.00 සිට පස්වරු 5.00 දක්වා පාර්ලි­මේ­න්තු­වේදී පැවති අතර, අන­තු­රුව ඡන්ද විම­සී­ම­කින් තොරව එය සම්මත කෙරිණි.

මෙම පනත් කෙටු­ම්පත පළ­මු­වර කිය­වීම සඳහා 2025 අගෝස්තු 04 වැනිදා පාර්ලි­මේ­න්තු­වට ඉදි­රි­පත් කර තිබිණි.
ආර­ක්ෂක මාණ්ඩ­ලික ප්‍රධානී තන­තුර ස්ථාපිත කර­මින් හඳුන්වා දුන් 2009 අංක 35 දරන ආර­ක්ෂක මාණ්ඩ­ලික ප්‍රධානී පනත ඉවත් කිරීම සඳහා මෙම පනත් කෙටු­ම්පත ඉදි­රි­පත් කර තිබේ.
2009 වස­රේදී සම්මත කරන ලද එම පනත මඟින් කාලීන අව­ශ්‍යතා අනුව සන්නද්ධ හමුදා සහ ආර­ක්ෂක අමා­ත්‍යාං­ශය අතර කට­යුතු සම්බ­න්ධී­ක­ර­ණය ඇතුළු කාර්ය­යන් සඳහා ආර­ක්ෂක මාණ්ඩ­ලික ප්‍රධානී තන­තුර ස්ථාපිත කර තිබිණි.

ඒ අනුව මෙම පනත් කෙටු­ම්පත මඟින් 2009 අංක 35 දරන ආර­ක්ෂක මාණ්ඩ­ලික ප්‍රධානී පනත ඉවත් කිරී­මත් සමඟ ආර­ක්ෂක මාණ්ඩ­ලික ප්‍රධානී තන­තු­රද අව­සන් කිරී­මට නිය­මි­තය.
තවද, මෙම පනත ක්‍රියා­ත්මක වීමත් සමඟ ආර­ක්ෂක මාණ්ඩ­ලික ප්‍රධානී කාර්යා­ල­යට අයත් සියලු චංචල හා නිශ්චල දේපළ, ආර­ක්ෂක විෂය පවරා ඇති අමා­ත්‍ය­ව­ර­යාගේ අමා­ත්‍යාං­ශය වෙත පැව­රෙනු ඇත.

@දිනමිණ