කස්සප හිමි ඇතුළු 06 දෙනෙකුට වරෙන්තු

2022 වසරේ ජූලි මස 14 වැනිදා ජනා­ධි­පති ලේකම් කාර්යා­ල­යට අයුතු ඇතු­ළු­වී­මක් සිදු­කළ සිද්ධිය සම්බ­න්ධ­යෙන් නඩුව කැඳවූ අව­ස්ථා­වේදී අධි­ක­ර­ණයේ පෙනී නොසිටි කාශ්‍යප හිමි ඇතුළු සැක­ක­රු­වන් හය දෙනෙකු අත්අ­ඩං­ගු­වට ගෙන අධි­ක­ර­ණ­යට ඉදි­රි­පත් කරන ලෙස කොටුව මහේ­ස්ත්‍රාත් පසන් අම­ර­සේන මහතා කොළඹ අප­රාධ කොට්ඨා­ස­යට ඊයේ (27) නියෝග කළේය.

නඩුව කැඳවූ අව­ස්ථා­වේදී අධි­ක­ර­ණයේ පෙනී නොසිටි මේ සැක­ක­රු­වන් ලබා දී ඇති ලිපි­න­වල නොමැති බවට වැඩි­දුර වාර්තා­වක් ඉදි­රි­පත් කර­මින් පොලී­සිය කළ දැනු­ම්දීම සලකා බැලූ මහේ­ස්ත්‍රා­ත්ව­රයා මේ නියෝ­ගය කළේය.

රජයේ රස පරී­ක්ෂ­ක­ව­රයා වෙත යොමු කරන ලද ඡායා­රූප හඳු­නා­ගැ­නීමේ පරී­ක්ෂා­වට අදාළ වාර්තාව ජන­වාරි මස 28දා ලැබී ඇති බවත්, රජයේ රස පරී­ක්ෂ­ක­ව­රයා යෝජනා කිහි­ප­යක් යොමු කර ඇති බවත් පොලි­සිය අධි­ක­ර­ණ­යට දන්වා සිටි­යේය.

සිද්ධිය සම්බ­න්ධ­යෙන් නඩුව විවෘත අධි­ක­ර­ණයේ කැඳවූ අව­ස්ථාවේ පෙර­ටු­ගාමී පක්ෂයේ දේශ­පා­ලන මණ්ඩල සභික දුමින්ද නාග­මුව, ප්‍රවීණ නිළි දමිතා අබේ­රත්න, ලංකා ගුරු සංග­මයේ ලේකම් ජෝසප් ස්ටාලින්, ඇමැති පාර්ලි­මේන්තු මන්ත්‍රි වසන්ත සම­ර­සිංහ ඇතුළු ඇප මත මුදා හැර ඇති සැක­ක­රුවෝ 43 දෙනෙක් නඩුව කැඳවූ අව­ස්ථාව්දී විවෘත අධි­ක­ර­ණයේ පෙනී සිටි­යහ.

@දිනමිණ